Ortiqcha suv: Yuz va tanadagi shishni bartaraf etadigan 9 ta mahsulot

Shishlar yuzda, tananing boshqa qismi yoki ichki a’zolarda ham kuzatilishi mumkin. Uning muntazam ravishda kuzatilishi organizmda bir gap bor ekanligidan darak beradi va zudlik bilan shifokorga murojaat qilish kerak. Lekin onda-sonda, masalan, uyqudan avval suyuqlik ichish yoki xamir taom yeganda ham shishib uyg‘onish mumkin. Shishning oldini oladigan yoki uni bartaraf qiladigan mahsulotlar qaysilar ekani haqida ma’lumot berib o‘tamiz.

Grechka

Kechki ovqatga bir stakan tuz va ziravorlar qo‘shmasdan pishirilgan grechka iste’mol qilish — ertalab uyg‘onganda yuzingiz shishmasligining garovi. Ayniqsa, homilador ayollarda shishlarning oldini olish yoki kamaytirish uchun grechkadan tayyorlangan taom tez-tez tanovul qilish tavsiya qilinadi.