Uyda hoziroq almashtirilishi kerak boʻlgan 10 ta narsa
Hamma narsa vaqt oʻtishi bilan eskiradi, yirtiladi, eskiradi yoki yaroqsiz buyumga aylanadi. Shunda ularni tashlab yuboramiz. Shunday narsalar borki, ular uzoq vaqt xizmat qilgan boʻlsa-da, biz ulardan foydalanishda davom etaveramiz. Aslida bu narsalarni allaqachon yangisiga almashtirish vaqti allaqachon kelgan boʻlishi mumkin.
Idish-tovoqlarni yuvish uchun gubkalar
Ularni qanchalik tez-tez ishlatishingizga qarab har 2-8 haftada oʻzgartirishi kerak. Idish-tovoqlarni qoʻlda yuvsangiz, ularni tez-tez yangisiga almashtirib turing, maxsus mashinadan foydalansangiz, kamroq. Gubkalarda bakteriyalar toʻplanishiga yoʻl qoʻymaslik uchun ularni haftada bir marta dezinfeksiya qilish kerak. Buni mikrotoʻlqinli pechda yoki idishlarni yuvish paytida idishlarni yuvish mashinasining yuqori savatiga qoʻyish orqali amalga oshirsa boʻladi.
Ziravorlar
Quritilgan oʻtlar koʻrinishidagi ziravorlar har yili yangilanishi zarur. Maydalangan quruq ziravorlar 2 yilgacha, yirik murch, kardamon kabi maydalanishi kerak boʻlganlar esa 4 yilgacha saqlanadi.
Kosmetika vositalari
Koʻzga infeksiya tushmasligi uchun kipriklar uchun tush va koʻz qalam(podvodka)larni har 3 oyda oʻzgartirish tavsiya etiladi. Holati buzilgan yuz upa-eliklarini va qovoqlar uchun tenlarni har 2 yilda bir marta, suyuq tonal kremi va lab boʻyogʻini yiliga bir marta almashtirib turish lozim.
Tish choʻtkasi
Stomatologlar uni har 3 oyda bir marta oʻzgartirishni qatʼiy maslahat berishadi. Agar sizda tishga kiyiladigan qobiq moslama yoki implant tishlar boʻlsa, unda tish choʻtkasini har 2 oyda bir marta almashtirgan afzal.
Suvni tozalash uchun filtr
Xonadoningizda suvni tozalash tizimlaridan foydalansangiz, filtrni almashtirish sanasini belgilashni unutmang. Bu nafaqat koʻza shaklidagi filtrlarga, balki oqim filtrlariga, shuningdek, ichimlik suvi va muz bilan taʼminlaydigan muzlatgichlarga oʻrnatilgan filtrlarga ham tegishlidir.
Vitamin va dorilar
Yiliga kamida bir marta, muddati oʻtib ketgan dori-darmonlarni tashlash uchun uydagi tibbiy qutichani tekshiring. Shuningdek, tibbiy dori vositalarining yorliqlari, qadoqlaridagi ishlab chiqarish va saqlash muddati sanalarini koʻzdan kechiring. Saqlash muddati unchalik uzoq boʻlmagan dorilar shunchaki shkafda koʻp joy egallaydi.
Oʻt oʻchirgich ( ognetushitel)
Ular, odatda, hovlida yashaydigan yoki mashina haydaydiganlarda boʻladi. Ha, oʻt oʻchirgichlarda, maʼlum boʻlishicha, yaroqlilik muddati ham bor. Yongʻin oʻchirish moslamasining turiga(koʻpik, kukun va boshqalar)qarab, u har xil boʻlishi mumkin — 4 yildan 10 yilgacha. Bundan tashqari, yongʻin oʻchirgichni yiliga bir marta yoki har ikki yilda bir marta tekshirish tavsiya etiladi. Buning uchun moslamaning koʻrsatkich chizigʻiga qarang. Agar u yashil rangda oʻrnatilgan boʻlsa, u holda oʻt oʻchirgich toʻgʻri bosim ostida boʻladi.
Hojatxona choʻtkasi
Albatta, bunday choʻtkalarda yaroqlilik muddati yoʻq. Ammo, u nihoyatda eskirib, ifloslanib ketgan boʻlsa, joyida turmay qulab tushaversa, dangasa boʻlmang va uni oʻzgartiring. Choʻtkalar narxi qimmat emas.
Yostiqlar
Ular har ikki-uch yilda bir marta oʻzgartirilishi kerak. Vaqt oʻtishi bilan yostiq ichida koʻplab bakteriyalar va oʻlik teri hujayralari toʻplanadi. Ular har kecha ter va teridan ajralgan moddalarni oʻzlashtiradi va bora-bora yostiq shaklini yoʻqotadilar, boʻyin va boshni qoʻllab-quvvatlashni toʻxtatadi. Bu esa bosh ogʻrigʻi, uyquning yomonligi, boʻyin, bel ogʻrigʻi va boshqalarga sabab boʻladi.
Kontakt linzalari uchun idishlar
Koʻz infeksiyasini oldini olish uchun nafaqat linzalarni saqlash idishidagi suyuqlikni, balki idishlarni ham oʻzgartirish lozim. Har 3 oyda, xuddi tish choʻtkasi kabi.
Manba
Yangi ma'lumotlardan xabardor bo'lib boring
