Uydagi tartibni buzadigan tozalashga oid zararli odatlar

Tozalash hammaning ham yaxshi ko‘rgan ishi emas.  Albatta, bir necha kun davomida uyni tozalamaslik qo‘rqinchli emas. Biroq bir nechta yomon odatlar mavjud bo‘lib, ular nafaqat tartibsiz ko‘rinish hosil qiladi, balki uyga ham zarar yetkazadi, deb yozadi Lifehacker.

Santexnika bilan bog‘liq kichik muammolarni e’tiborsiz qoldirish

Oshxonadagi tomchilab turgan kran yoki hammomdagi suvning sekin oqishi bezovta qilishi mumkin. Dastlab bularning barchasi ham jiddiy muammo bo‘lib tuyulmaydi, lekin keyinchalik vaziyat yomonlashadi. Tiqilib qolish tufayli quvur yorilib ketishi mumkin. Shuning uchun hammom va oshxonani muntazam ravishda tozalash, shuningdek, kranning oqishini diqqat bilan tekshirish kerak. Dastlabki bosqichda bu muammolarning barchasini hal qilish qiyin emas.

Ventilyatsiya panjaralarini tozalamaslik

Ularni atigi 15 daqiqada changyutkich bilan tozalash mumkin. Buni har oy qilishni unutmaslik lozim. Shu orqali shamollatish tizimini himoya qilish va uydagi havo sifatini yaxshilash mumkin.

Mos  bo‘lmagan tozalash vositalaridan foydalanish

Kimyoviy moddalarni o‘z ichiga olgan tozalash vositalari ba’zi turdagi yuzalarning holatini yomonlashtirishi mumkin, shuning uchun ularni tanlashga oqilona yondashish kerak.

Masalan, marmar uchun kislotaga asoslangan eritmalar yoki sharob sirkasini ishlatmaslik kerak. Shuning uchun har bir mahsulotda ishlab chiqaruvchining ko‘rsatmalari va tavsiyalarini o‘qib chiqish lozim.

Oz miqdordagi chiqindini darhol tashlamaslik

Ko‘pchilik ikkilanmasdan turli xil kichik narsalarni, masalan, pochta qutisidagi reklama varaqalarni saqlaydi. Asta-sekin foydali bo‘lmagan narsalarning koni paydo bo‘ladi va keyinchalik kerakli narsani topish uchun ko‘p vaqt sarflash kerak. Bundan tashqari, bir qarashda zararsiz chiqindilarni to‘plash o‘rgimchak va boshqa yoqimsiz “mehmonlar” uchun ideal yashash joyidir. Har kuni chiqindini, ayniqsa, oziq-ovqat qoldiqlarini tashlab kelishga dangasalik qilmaslik kerak.

Tozalashni keskin to‘xtatish

Albatta, uni tugatmaslik umuman boshlamaslikdan yaxshiroqdir. Ammo ba’zi joylarni tozalash uchun bir vaqtning o‘zida bir necha bosqichlarni diqqat bilan bajarish va jarayonni yakunlash juda muhimdir. Masalan, gilamdagi dog‘larni tozalaganda, nafaqat tozalash vositasini qo‘llash, balki uni bir muncha vaqt o‘tgach yuvish ham kerak. Shuning uchun tozalash bosqichlarini oldindan belgilashga harakat qilish va hamma narsani to‘g‘ri bajarish uchun vaqt ajratish tavsiya etiladi.

Uskunalar signalini tekshirib ko‘rish

Deyarli har bir elektron qurilma chiroq yoki ovozli signallar ko‘rinishidagi nosozlik ko‘rsatkichi bilan jihozlangan. Agar ularga e’tibor berilmasa, texnika yaroqsiz bo‘lib qolishi mumkin va ba’zi hollarda — masalan, tutun detektorlari xavf tug‘dirishi mumkin. Shuning uchun qurilmalardagi batareyalarni muntazam ravishda o‘zgartirish va ko‘rsatmalarga amal qilish lozim.

Ko‘zga tashlanmaydigan joylarni unutish

Kiyim quritgichni yoki shunga o‘xshash boshqa jihozlarni oxirgi marta qachon tozalaganingizni eslang. Ular har safar foydalanilganda namlik, chang, hid va yog‘ni to‘playdi. Sovitkichga eslatma stikerini yopishtirish yoki ularga muntazam e’tibor berish uchun telefonga maxsus eslatma vazifasini qo‘shish tavsiya etiladi.