Bahorga tayyorgarlik: uyni umumiy tozalashda qo‘l keladigan 12 ta layfxak

Albatta, bir necha oy davomida umumiy tozalash olib borilmagan uyda ishlar qalashib ketadi. Buni vaqtning yetmasligi bilan bog‘lash esa dangasalikning alomatidir. Ammo tartibsizlikning asosiy dushmanlari makonni noto‘g‘ri tashkil etish va ortiqcha narsalardan xalos bo‘lishni istamaslikdir. Quyidagi layfxaklar uydagi holatni qayta ko‘rib chiqishga, muammolarni bartaraf etishga biroz bo‘lsa-da yordam beradi.

Foto: “Domashniy ochag”

Tozalashni boshlashdan oldin bir nechta muhim savollarga javob berish kerak:

1. Uyda barcha narsalarni saqlash uchun yetarli joy bormi?
2. Har bir narsaning o‘z o‘rni bormi yoki siz doimo biror narsani o‘zgartirish kerakmi?
3. Saqlash joylari qulay joylashganmi?

Agar ko‘pgina savollarning javobi “yo‘q” bo‘lsa, ishni ushbu muammolarni hal qilishdan boshlash kerak.

Ko‘p idishlar to‘plashning keragi yo‘q

Barcha turdagi ajratkichlar, ilgaklar, organizatorlar va qutilarni sotib olishga shoshilmaslik kerak. Albatta, ular tartibni saqlash uchun mo‘ljallangan, lekin ular faqat saqlash uchun qulay bo‘lmagan narsalarga ishlatilishi kerak. Boshqa hollarda, eski narsadan qutulish, buning uchun boshqa idish sotib olish, shkafning uzoqdagi javoniga qo‘yishdan yaxshiroqdir. Shuni unutmaslik kerak, shu tarzda bu tarzda chiqindi va changdan xalos bo‘lish mumkin emas, balki u kvartiraning yoki uyning boshqa qismiga ko‘chiriladi.

Vaqt oralig‘i bo‘yicha ish qilish

Chiqindilarni tozalashga qancha vaqt sarflash mumkinligini aniqlash va jadvalga rioya qilish samaralidir. Misol uchun, haftada 2-3 soat yoki shkafga bir kecha. O‘z vaqtida to‘xtatish uchun smartfonga taymer o‘rnatish tavsiya etiladi.

Ishni eng birinchi ko‘zga tashlanadiganidan boshlash

Ko‘zga ko‘rinadigan joyda tartibsizlik kayfiyatni buzadi. Shuning uchun ishni undan boshlash kerak. Oshxonadagi shkaflarni qismlarga ajratishga qaror qilindi. Demak, avval oshxona peshtaxtasidan keraksiz hamma narsani olib tashlash lozim. Shkafdagi javonlarni tozalashda uning ichidagi hamma narsani olib tashlash kerak. Agar ish shkaflar bilan boshlansa-yu, ularning barchasi shunchaki joyida qoldirilsa, natija ko‘rinmaydi, ammo odatdagidek charchash mumkin.

Bo‘sh qutilar va butilkalar, shunga o‘xshash barcha keraksiz narsalar yig‘iladi va chiqindiga chiqariladi. Changyutkichga xalaqit beradigan narsalarni poldan olinadi, kitob va qog‘ozlar o‘z joylariga qo‘yiladi. Oshxonada idishlar yig‘ilib, idish yuvish mashinasiga solinadi.

Tozalash uchun kerak bo‘lgan hamma narsani tayyorlash kerak

Har qanday xonani tozalashdan oldin barcha kerakli tozalash vositalarini olinadi. Ular chelakda yoki uyning ko‘rinmaydigan biror burchagida turishi mumkin.

Tozalash uchun har doim foydali bo‘lgan narsalar:

• latta va chang tozalaydigan vosita: kerakli mahsulotlar orqali uy sharoitida ham tayyorlash mumkin;
• cho‘tka, xokandoz va supurgi;
• changyutkich;
• rezina qo‘lqoplar(agar siz agressiv uy kimyoviy moddalari bilan ishlasangiz);
• chiqindi qoplari.

Kvartirada biron bir joyni changyutkichda tozalashdan oldin, qurilmaning o‘zini tekshirish kerak. Chang qoplari yoki konteynerlari to‘ldirilmaganiga ishonch hosil qilish va filtrlarni muntazam ravishda o‘zgartirish tavsiya etiladi. Agar bu oldindan amalga oshirilmasa, xonadon atrofidagi changni yoyilib, kuch behuda sarflanadi.

O‘simliklar changini artish

O‘simlik barglari ham mebel va jihozlar kabi o‘zida chang to‘playdi. Hatto kichik miqdordagi chang ayrim gullarga zarar yetkazishi mumkin. Barglar nam mato bilan artib olinadi. Bu gullarni suv bilan yuvishdan ko'ra yaxshiroqdir, chunki ba‘zi o‘simliklar qo‘ziqorin kasalliklari yoki mog‘or rivojlanishi mumkin.

Gullarni tuvak bilan yerga qo‘ymaslik zarur, chunki ularni sug‘orish uchun ishlatadigan suv pol qoplamasini buzishi mumkin.

Melamin gubkadan unumli foydalanish mumkin

Bu choynak, toster mashinasi, mikroto‘lqinli pech, blender va vaqt o‘tishi bilan ifloslanib, o‘zida chang yig‘adigan boshqa maishiy texnika vositalarining yuzasini artib tashlash uchun foydalidir. Chiroq yoqib-o‘chirgichlar, muzlatkich tutqichlari yoki plastik deraza tokchalarini bir zumda tozalash uchun melamin gubkadan foydalanish mumkin.

Chiqindi qutisi qolib ketmasin

Agar oshxonada yoqimsiz hid paydo bo‘lsa, bu chiqindi qutisi bir necha hafta davomida yuvilmaganligini ko‘rsatishi mumkin. Chiqindi qopi doim ham o‘zida oziq-ovqat qoldiqlarini saqlamaydi, chunki chiqindi chelak devori yoki undan tashqariga ham tushgan bo‘lishi mumkin. Shuning uchun chelakni kamida 10 kunda bir marta oqartiruvchi vosita bilan tozalash tavsiya etiladi.

Yotoq xonani saranjomlash

Yostiq va ko'rpani yuvishdan oldin yorliqni o‘qish lozim. Yostiq jildlari va choyshablarni kamida ikki haftada bir marta, yostiq va ko‘rpalarni esa yiliga 2-3 marta yuvish kerak.

Agar yostiq terdan juda sarg‘aygan bo‘lsa, uni issiq suvga botirib, odatdagi kukunga oqartiruvchi yoki soda qo‘shiladi. Bundan tashqari, oqartirgich bilan oldindan va keyin gel bilan muntazam yuvish mumkin.

Toza bo‘ldimi? Xonaga yangi ko‘zlar bilan qarang

Uydagi mukammal poklik hissi kayfiyatga boshqacha ta’sir qiladi. Ishlarni tartibga solgandan so‘ng, xonaga diqqat bilan qarash kerak. Yana nima qarovsiz qoldi?Yoritkichlar, shkaf tutqichlari, ko‘zgular, devordagi rasmlar?Xona bo‘ylab yana mato bilan yurish va qolib ketgan kichik elementlar bo‘lsa ham tozalash zarur. Aks holda bu umumiy tozalash deb atalmas edi.

Tartibni saqlash muhim

Umumiy tozalash amalga oshiriladan so‘ng kundalik tozalash odatini rivojlantirish lozim. Har kuni 10-15 daqiqa vaqt ajratib, betartib narsalarni narsalarni joylash, yuzalarni changdan tozalash va ko‘p vaqt sarflaydigan joylarda changyutkichdan foydalanish kerak. Bir marta tozalash bu abadiy tozalashni unutish degani emas. Har mavsumda bir marta umumiy tozalashni amalga oshirish kerak.

Manba