Qonda shakar miqdorini pasaytirishga yordam beradigan 5 ta mahsulot

Bugungi kunda ko‘pchilikda ikkinchi toifa diabet rivojlanish xavfi yuqori. Biroq to‘g‘ri ovqatlanish orqali sog‘liqda yuzaga keladigan muammolarning oldini olish mumkin.

Ikkinchi toifa diabetning rivojlanishi ko‘pchilikka tahdid solmoqda, ammo yaxshi xabar shundaki, ratsionni to‘g‘ri tuzish orqali jiddiy muammolardan qochish mumkin. Ushbu kasallikning rivojlanishida xavf omillari ortiqcha vazn hamda shakar va uglevodlarga boy mahsulotlar kiradi. Qonda shakar miqdorining ortishiga olib keladigan ovqatlardan voz kechish orqali uning darajasini kamaytirish mumkin. Qandli diabet bilan kasallanganlar va rivojlanish xavfi yuqori bo‘lganlar, albatta, bunga amal qilishi kerak.

Qandli diabetga chalinganlarga oqsil va kletchatkaga boy, tabiiy va donli mahsulotlarga urg‘u berilgan ovqatlar tavsiya etiladi. Ular diabet rivojlanishi mumkin bo‘lgan odamlar qonida shakar darajasini barqaror saqlashga yordam beradi.

Tuxum

Tuxumlarda yuqori oqsil va past kaloriya mavjud bo‘lgani uchun ham mukammal mahsulot hisoblanadi. Ko‘pgina diyetologlar qoniqarli va foydali mahsulot sifatida tuxumga e’tibor berishadi. 2019-yilgi tadqiqot shuni ko‘rsatdiki, nonushta uchun tuxum iste’mol qilish diabetga chalinganlarga kun davomida shakar darajasini barqaror saqlashga yordam beradi. Bu shuni anglatadiki, tuxum har doim shirin yoki sutli qayta ishlangan don mahsulotidan ko‘ra foydaliroq. Har kuni tuxum iste’mol qilish kam ovqatlanish va yaxshi ko‘rinishga yordam beradi. Qo‘shimcha vitaminlar va temir uchun tuxumga ismaloq qo‘shib, ularning foydasini oshirish mumkin. Bundan tashqari, tuxum bilan yangi sabzavotlarni birgalikda iste’mol qilish tavsiya etiladi.

Mavzuga doir: Tuxum iste’mol qilish va insult xavfining kamayishi o‘rtasida qanday bog‘liqlik bor?