Qanday ichimliklar ozishga yordam beradi?

To‘g‘ri ovqatlanish, jismoniy faol bo‘lish bilan vazn tashlashga erishish mumkin. Quyidagi ichimliklar esa ushbu jarayonning tezlashishi va natija tezroq sezilishiga hissa qo‘shadi.

Sabzavotli sharbatlar

Sarvqomat va sog‘lom bo‘lishga hissasi katta bo‘lgan sharbatlar organizmning tabiiy detoksikatsiya jarayoniga yordam beradi. Yo‘qsa, ichaklarda to‘plangan toksinlar organizmga salbiy ta’sir qiladi. Bunday tabiiy mahsulotlardan tayyorlangan ichimlik vitaminlar hamda qarish jarayonini tezlashtirishga qarshi ta’sir qiladigan antioksidantlarga boy bo‘ladi. Uning tarkibini turli sabzavot va ko‘katlar bilan boyitish, ismaloq, salat bargi, bulg‘or qalampiri, bodring, lavlagidan tashqari, karam qo‘shishni ham unutmaslik kerak. Fitonutriyentlarga boy ichimlik yog‘larni eritadi, yallig‘lanish jarayonini bartaraf etadi, metabolizmni jadallashtirib, gormonlar miqdorining me’yorda bo‘lishini ta’minlaydi. Natijada esa vazn kamayadi.

Suv

Suvni kanda qilmaslik foydali ekani yangilik emas. Ozishga qaror qilganlar yetarlicha suv ichmay tutib, maqsadga erisholmaydi. Bunga quyidagi sabablar bor:

• Tez-tez suv ichadigan insonning qorni tez ochmaydi;
• Qancha ko‘p mashq qilinmasin, suvsiz mushaklar taranglashmaydi;
• Suv jigarda yog‘lar erishiga yordam beradi. Suvsiz jigarda yog‘ yig‘iladi;
• Suv organizmdan toksinlarni chiqarib yuboradi.

Ko‘k choy nafaqat sog‘lom bo‘lish, balki vazn tashlashga ham hissa qo‘shadi. Moddalar almashinuvini yaxshilaydigan mazkur ichimlik yog‘larni eritib, ishtahani bo‘g‘adi. Qolaversa, kuniga bir finjon ko‘k choy organizmni antioksidant va energiya bilan ta’minlaydi.

Ulun

Xitoyliklar tavsifiga ko‘ra ulun yog‘larni keltirib chiqaradigan fermentlarni bloklash xususiyatiga ega polifenolnio‘z ichiga oladi. Bir finjoni metabolizmni jadallashtiradigan ichimlikda kofein qora choy va qahvadan ko‘ra ko‘proq bo‘ladi.

Ko‘k matcha choyi(mattya)

Mazkur ko‘k choy, olimlarning fikricha, metabolizmni yaxshilaydigan polifenollarning koni hisoblanadi. Kuniga uchfinjon ichish kifoya qiladigan mazkur ichimlik kaloriyalardan qutilish uchun eng yaxshi tanlov.

Mavrak(marmarak)yaproqlaridan tayyorlanadigan choy

Organizmdan shakarni chiqaradigan va kun davomida energiyaga to‘la bo‘lishga hissa qo‘shadigan mavrakli choyni nonushta vaqti iste’mol qilish moddalar almashinuvi kun davomida me’yorda bo‘lishini ta’minlaydi.

Muzli suv

Muzli suv ichilganda, organizm me’yordagi haroratni tiklash uchun kaloriya sarflaydi. Kuniga 8 stakan muzli suv ichilganda deyarli 70 kkal sarflanadi. Tanovuldan oldin ichish esa ortiqcha ovqatlanishning oldini oladi.