Kipriklarni qanday quyuqlashtirish mumkin?

Uzun va quyuq kipriklar — har bir qizning ko‘nglidagi orzusi. Chiroyli quyuq va qalin qoshlarga ega bo‘lish uchun biz katta mablag‘imiz va qimmatli vaqtimizni kiprik o‘stirishga va yaxshi tush izlashga sarf qilamiz. Lekin makiyajning quyuq va chiroyli kipriklar yaratishda yordam beruvchi o‘z sirlari va usullari mavjud.

Sotib olishdan oldin tushning tarkibiga e’tibor bering. Agar tarkibida glitserin va ipak ekstrakti bo‘lsa, u holda bu tush haqiqiy quyuq va qalin kipriklar yarata oladi.

Tushni surishda kiprik ustida yumaloqchalar paydo bo‘lmasligi uchun cho‘tkadagi tushning ortiqchasini qog‘oz salfetka yordamida olib tashlashni tavsiya qilamiz.

Kiprik ustiga tush surishdan oldin ularni tarashni maslahat beramiz. Bu usul kipriklar yopishib qolishiga yo‘l qo‘ymaydi va ularning har doim quyuq bo‘lib turishiga yordam beradi.

Kipriklarga hajm qo‘shish uchun tush solingan idish biroz isishi va vosita zichligi bir xilda bo‘lishi uchun uni bir daqiqa davomida iliq suv ichida tutib turishni maslahat beramiz.

Kipriklar uzoq vaqt jingalak bo‘lib turishi uchun jingalak qiluvchi qisqichlarni fen yoki issiq suv yordamida biroz qizdirishni taklif qilamiz.

Kipriklarni ichki va tashqi tomonlardan bo‘yang. Bunday usul yordamida ular yanada hajmli va quyuq bo‘ladi.

Tushning birinchi qatlamini surganingizdan keyin kipriklar ustiga cho‘tkacha yordamida ildizidan uchigacha yupqa qatlamda bolalar upasidan seping. Keyin upa izlari ko‘rinmasligi uchun ularning ustidan yana bir qatlam tush suring.

Manba: “Wclub.ru”