Jaziramada amal qilish tavsiya etiladigan ovqatlanish bilan bog‘liq 10 ta qoida

Agar termometr muqarrar ravishda 30 darajaga yetsa, organizm issiqdan aziyat chekadi. Albatta, bunday vaqtda konditsioner ostida bo‘lish yoki salqin dush qabul qilish mumkin, lekin ovqatlanish haqida ham unutmaslik kerak. “Noviy ochag” nashri tashqarida havo issiq bo‘lganda, amal qilish kerak bo‘lgan o‘nta muhim qoida bilan tanishtirdi.

1-qoida: Qo‘shimcha suyuqlik

Issiq havoda xom sabzavot va ko‘katlarni iste’mol qilgan ma’qul. Ayniqsa tarkibida 70 foiz yoki undan ko‘p suv bo‘lganlarini ratsionga kiritish kerak. Bularga bodring, turp, salat, selder va ismaloqni misol qilish mumkin.

2-qoida: Meva haqida unutmang

Sabzavotlar singari mevalar(ayniqsa, xom holda) organizmni sovitish ta’siriga ega. Kunni to‘yimli smuzi bilan boshlash, ovqatlar orasida meva iste’mol qilish yoki ichimlik suviga bir necha bo‘lak qo‘shish tavsiya etiladi.

3-qoida: Dengiz o‘tlari

Dengiz o‘tlarini ratsionga qo‘shish tavsiya etiladi. Terlash tufayli organizm muhim elementlar — kaliy, magniy va natriyni yo‘qotadi. Dengiz o‘tlari ularning yetishmasligining oldini oladi, shuningdek, dengiz va okeandan uzoqda joylashgan baland tog‘lar va mintaqalar aholisi uchun juda kam bo‘lgan yod bilan organizmni to‘yintiradi.

4-qoida: Go‘sht o‘rniga baliq

Xitoy tibbiyoti baliqlarni iste’mol qilgandan so‘ng tana haroratini pasaytiradi, deb biladi. Shuning uchun issiq mavsumda ham baliqni ratsiondan chiqarib yubormaslik tavsiya etiladi.

5-qoida: Ko‘katlar

Ba’zi ko‘katlar organizmga sovituvchi sifatida ta’sir ko‘rsatadi. Har qanday o‘simlik bargi o‘ziga xos foydali xususiyatga ega bo‘lib, ularni nafaqat taom, balki ichimliklarga ham qo‘shish mumkin.

6-qoida: Achchiq ovqat va issiq ichimliklar

Ishonish qiyin, lekin achchiq taomlar va issiq ichimliklar Yaqin Sharq, Afrika va Osiyo aholisini issiqdan qutqaradi. Gap shundaki, ziravorlar va choy odamni terlatadi va terini tabiiy ravishda sovitadi.

7-qoida: Suv ichishni ko‘paytirish

Bu aniq emas, lekin issiqda organizmga qo‘shimcha suyuqlik kerak. Agar oddiy suv ichish qiyinchilik tug‘dirsa, unga bir necha bo‘lak bodring, rezavor, limon sharbati yoki ikki yoki uchta limon barglarini qo‘shib ko‘rish mumkin. Ichimlik darhol yoqimli ta’m va hidga ega bo‘ladi.

8-qoida: To‘xtatish kerak bo‘lgan mahsulotlar ro‘yxati

Issiq havoda organizm katta stress ostida qoladi. Shuning uchun uni og‘ir ovqat hazm qilishdan qutqarish kerak. Go‘sht, spirtli ichimliklar, qahva, tort va boshqa yuqori kaloriyali shirinliklar, gazlangan ichimliklar, un mahsulotlari va sigaretlardan issiqda vaqtincha voz kechish tavsiya etiladi.

9-qoida: Tezpishar taomlar

Qish uchun pishiriladigan mahsulotlarni qoldirib, yozda xomlarini iste’mol qilish afzalroq. Agar buning iloji bo‘lmasa, ularni aralash holda, bug‘da dimlash, qovurish yoki pishirib tanovul qilish mumkin.

10-qoida: Ortiqcha ovqatlanmang

Yaponlar dasturxondan ozgina och holatda turish kerak, deb hisoblashadi. Sharqiy uzoq umr ko‘rishning bu qoidasi yozda har qachongidan ham dolzarbdir. Issiqda ortiqcha ovqatni suv bilan almashtirish kerak. Ovqatdan yarim soat oldin ichilgan bir stakan suyuqlik oshqozon bo‘shlig‘ini to‘ldiradi va tezda to‘qlik hissi paydo bo‘ladi. Organizmga esa bunday kechki ovqatni hazm qilish ancha osonlashadi.

Mavzuga doir:

• Kechasi qorin ochganda nima iste’mol qilish kerak? Nutritsiologdan maslahatlar
• Jazirama muammo emas: yoz mavsumini yanada yoqimli qiladigan 10 ta layfxak
• Oftob urishining oldini olish va oqibatlarini bartaraf etish usullari