Jazirama kunda nima ichish kerak? Chanqoqni qondirishning bir nechta usullari

Charchoq, bosh aylanishi, ish samaradorligining pasayishi va parishonxotirlik suvsizlanish belgilari bo‘lishi mumkin. Suyuqlik darajasinining 1-2 foizga kamayishi umumiy holatga ta’sir qiladi.

Uyda tayyorlangan limonadlar

Suvga meva bo‘laklari, yangi rezavorlar va yalpiz qo‘shib, limonad tayyorlang. Masalan, qulupnay, yalpiz va laym yoki bodringli limonad tayyorlang 250 ml suvga yarimta limon sharbati soling va ingichka bo‘laklarga bo‘lingan bodring qo‘shing. Limon sharbatini muzlatib, bodringli suvga kub shaklida qo‘shishingiz ham mumkin. C, B5 va magniy vitaminlariga boy bo‘lgan limonad teri hujayralarida namlikni saqlab, uni qurishdan himoya qiladi.

Kokos suvi

Amerikalik mutaxassislar tomonidan olib borilgan tadqiqotlar shuni ko‘rsatadiki, kokos suvi eng yaxshi tabiiy ichimliklardan biri. Unda deyarli shakar va kaloriyalar bo‘lmaydi, lekin suvsizlanishni yengishga yordam beradigan kaliy, elektrolitlar, minerallar va antioksidantlarga boy. Agar kokos suvining ta’mi yoqmasa, uni meva sharbati yoki smuzilarga qo‘shish mumkin.

Sabzavot va mevali smuzi va sharbatlar

Sabzavot va mevalardan olingan smuzi vitaminlarga boy va nafaqat suvsizlanishni yengishga yordam beradi, balki energiyaga ham to‘ldiradi.

Yangi siqilgan sharbat tarkibida juda ko‘p shakar bo‘lishini unutmang. Sharbat iloji boricha foydali bo‘lishi uchun mutaxassislar ularni sharbat chiqargichda emas, balki blenderda tayyorlashni maslahat beradi.

Yog‘i olingan va o‘simlik suti

Tadqiqotlar shuni ko‘rsatadiki, yog‘siz yoki o‘simlik suti — suli uni, soya, bodom, kokos — suv kabi chanqoqni qondiradi. Bunday suyuqlik muvozanatini tezda tiklaydi, chunki u uglevodlar, oqsillar va elektrolitlarga boy.

Mutaxassislarning fikriga ko‘ra, bunday ichimlik issiq havoda bolalar uchun foydali bo‘ladi - agar bolangiz oddiy suv ichishni istamasa, bir stakan o‘simlik sutini berishingiz mumkin.

Sovuq choy va o‘simlik damlamalari

Yaxna ichimlik tayyorlash uchun oddiy choy yordam beradi. Issiqda ko‘k va oq choy yoki roybush ichgan ma’qul. Choynakka apelsin po‘sti va lavanda, yalpiz, jambil kabi o‘tlarni qo‘shing. Choyni 8-10 daqiqa davomida qaynatib, keyin muz bo‘laklarini qo‘shish kerak.

Odatiy choyga muqobil o‘simlik damlamalari ham bo‘ladi. Moychechak, na’matak, yasminli damlama tayyorlashingiz yoki jambil va yalpiz kabi o‘tlarni aralashtirishingiz mumkin. Ichimlikka asal qo‘shib, sovutilgan holda ichish lozim.

Issiqda nima ichish mumkin emas?

Gazli suv. Bu ichimlik chanqoqni qondirmaydi, tarkibida shakar va kaloriya miqdori yuqori. Tadqiqotlar shuni ko‘rsatadiki, doimiy ravishda gazlangan suv ichish odati buyraklar faoliyatini buzishi mumkin.

Spirtli ichimliklar(shu jumladan, pivo yoki sidr kabi alkogolsiz ichimliklar ham). U siydik haydovchi ta’sirga ega va organizmdan suyuqlikni chiqarib tashlaydi.

Mavzuga doir:

• Issiq kunlarda ayni muddao: Qahvali salqin ichimliklar retsepti
• Jazirama kunlarda rohatijon ichimlik — vyetnamcha yaxna choy retsepti
• Ko‘k choy, limon va yalpizli limonad tayyorlaymiz