Sut bilan birga iste’mol qilish tavsiya etilmaydigan mahsulotlar

Qaysi mahsulotlarni sut bilan qo‘shib iste’mol qilish kerakmasligi haqida ma’lumot berib o‘tamiz.

Qahva

Mutaxassislarning ta’kidlashicha, kofeinning samarasi oqsil ta’sirida neytrallashadi. Shu sabab ham ushbu ichimlik bilan tetiklashishni istaganlarga uning o‘zini, hech narsa qo‘shmasdan ichish tavsiya qilinadi. Yo‘qsa, oshqozon uning hazm bo‘lishi uchun ortiqcha energiya sarflashiga to‘g‘ri keladi.

Choy

Ko‘pchilik ko‘k choyga sut qo‘shib ichishni yaxshi ko‘radi. Lekin sut ta’sirida choyning antioksidantlik xususiyati kamayadi va organizmga foydasi bo‘lmaydi.

Dengiz mahsulotlari

Dengiz mahsulotlarini iste’mol qilganda oshqozonda muammo — oqsilning me’yordan oshib ketishi kuzatiladi. Organizmga og‘irlik qilgani hisobiga oshqozon ichak trakti va buyraklar zo‘riqishi mumkin.

Sabzavotlar

Ovqat hazmi jarayoni bilan bog‘liq muammolar kuzatilmasligi uchun nafaqat bodring, balki pomidor, qovoqcha, brokkoli va sabzini ham sutdan alohida iste’mol qilish kerak.

Go‘sht

Yuqorida ta’kidlanganidek, oqsilning boshqa bir oqsil bilan qo‘shilishi hazm jarayonida muammolar keltirib chiqaradi. Ammo nordon sut mahsuloti hisoblangan smetana bilan qo‘shib yesa bo‘ladi. Sut oshqozondagi suyuqlik ta’sirida har qanday boshqa mahsulotning hazm bo‘lishiga to‘sqinlik qiladigan tvorogga o‘xshash aralashmaga aylanadi. Shu sabab ham sutni kun davomida ovqatlanishdan ikki soat avval yoki keyin bir stakandan ko‘p ichmaslik kerak.