Sovuq holda iste’mol qilish tavsiya etilmaydigan yeguliklar

Sovuq holda iste’mol qilish tavsiya etilmaydigan yeguliklar



Sovigan taom o‘z ta’mini, xushbo‘yligini yo‘qotadi va ovqat hazm qilish tizimiga zarar yetkazishi mumkin. Oziq-ovqatni belgilangan haroratda yeyish ham uning tarkibi va kaloriyasi kabi muhimdir.

Yog‘da qovurilgan ovqatlar

Foto: Getty Images

O‘simlik yog‘ida qovurilgan baliq, sabzavotlar xona haroratida bo‘lishi kerak. Sovigan yog‘ organizmda parchalanmaydi, natijada qorin bo‘shlig‘ida og‘irlik va noqulaylik hissi yuzaga keladi.

Oq go‘sht

Foto: Getty Images

Sovuq holdagi tovuq va baliq go‘shti hazm bo‘lmaydi, lekin darhol ichakka kiradi. Oqsil hazm bo‘lmagani uchun qorin bo‘shlig‘i shishadi, og‘irlik paydo bo‘ladi. Bunday ovqatni doimiy iste’mol qilish disbakteriozning og‘ir shaklini keltirib chiqaradi.

Yog‘li qizil go‘sht

Foto: Getty Images

Qo‘y go‘shtini hazm qilish uchun, hatto issiq holda bo‘lsa ham, 3-4 soat kerak. Sovigan go‘sht esa umuman hazm bo‘lmaydi. Sovib qolgan steyk darhol kletchatkalarni qayta ishlashni sekinlashtiradigan va ovqat hazm qilish sistemasiga salbiy ta’sir ko‘rsatadigan bakteriyalar bilan birga ingichka ichakka kiradi. Natijada hazm bo‘lmagan ovqat organizmning o‘zida ayniy boshlaydi.

Sho‘rva

Foto: Getty Images

Sho‘rvalar go‘shtli bulyon asosida tayyorlanadi. Yog‘siz sho‘rva bo‘lsa ham, baribir unda qovurilgan sabzavotlar bo‘ladi. Sovuq borsh yoki tovuq sho‘rvali lapsha hazm bo‘lishi qiyin ovqatlar sirasiga kiradi. Sovuq ovqat iste’mol qilganda yog‘ to‘qimalari birikib, xolesterin to‘planadi.

Issiq va sovuq ovqatlar aralashmasi

Foto: Getty Images

Albatta, hamma ovqatlarniyam isitish shartmas, masalan, sabzavotlar, sharbatlar yoki mevalar. Ammo sovuq va issiq yegulik kombinatsiyasi to‘qlik hissini susaytiradi, kerak bo‘lgandan ko‘proq ovqatlanganingizni bilmay qolasiz. Haroratning keskin o‘zgarishi tish emaliga ham yomon ta’sir qiladi. Sovitkichdagi mahsulot optimal haroratda isiguncha kutgan ma’qul.

Shifokorlar ovqatni yeyishdan oldin isitishni, sovuq ichimliklar, sabzavot va mevalarni esa gazak sifatida nonushta, tushlik va kechki ovqat oralig‘ida iste’mol qilishni maslahat berishadi.

Mavzuga doir:

  • Qon bosimi pasayganda qanday mahsulotlar iste’mol qilish tavsiya etiladi?
  • Har kuni bir bo‘lak limon iste’mol qilish organizmga qanday ta’sir qiladi?
  • Metabolizmni tezlashtirishga yordam beradigan vitamin va mikroelementlar
  • Imkon qadar tez-tez iste’mol qilish tavsiya etiladigan 9 ta eng foydali sabzavot
Manba
Ctrl
Enter
Xato topdAngizmi?
belgilab ushbu tugmalarni bosing Ctrl+Enter
Biz

Izoh qoldirish

Eng kamida 50 tadan oshiq belgi yozish kerak. Izohlar moderator tekshiruvidan o'tadi.
Hozircha izoh yo'q. Siz birinchi bo'lishingiz mumkin.