Jigar salomatligi uchun muhim bo‘lgan 5 mahsulot

Qaysi mahsulotlar jigar faoliyatini yaxshilashi haqida ma’lumot berib o‘tamiz.

Sabzavotlar

Sabzavotlarning rangi tabiiy antioksidant hisoblangan karotinoidga bog‘liq bo‘ladi. Sabzavot qanchalik yorqin rangli bo‘lsa, unda foydali moddalar shunchalik ko‘p bo‘ladi. Jigar hujayralarini erkin radikallardan himoya qiladigan antioksidantlar yallig‘lanish jarayonining oldini olishi bilan o‘ziga xosdir. Shu bilan birga, ular qarish jarayonini ham sekinlashtiradi. Aynan shu sabab ham ratsionga qizil va olovrang mevalar, masalan, qovoq, sabzi va bulg‘or qalampirini qo‘shish tavsiya qilinadi.

Gulkaram

Ushbu mahsulot nafaqat jigar, balki butun organizm salomatligi uchun muhim bo‘lgan vitamin va minerallarning konidir. Uni muntazam ravishda iste’mol qilish jigar faoliyatini jadallashtiradi, natijada safro faol ajralib, organizmdan shlaklarni chiqarib yuboradi. Parhez mahsulot hisoblangan gulkaramni semirib ketishdan qo‘rqmay iste’mol qilish va ratsionga qo‘shish mumkin.

Avokado

Tarkibida antioksidantlar, vitamin va foydali yog‘ kislotalari bisyor bo‘lgan avokado ham jigar uchun foydali. U jigar hujayralarini mustahkamlab, ularning qayta tiklanishini ta’minlaydi. Glutation antioksidanti esa jigar faoliyatini yanada yaxshilaydi.

Suli yormasi

Suli yormasi katta miqdordagi kletchatka va jigar hujayralarining zararlanishi hamda surunkali kasalliklarning kelib chiqish ehtimolini kamaytiradigan beta-glyukanning koni sanaladi. Shu bilan birga, oshqozon-ichak trakti, miya faoliyati hamda vaznning me’yorda bo‘lishiga ham samarali hissa qo‘shadi. Sekin hazm bo‘ladigan uglevodlarga boyligi sabab uzoq vaqt davomida to‘q tutadi va ortiqcha ovqatlanishning oldini oladi.

Quritilgan mevalar

Jigarning me’yoriy faoliyati uchun muhim bo‘lgan glyukoza, vitaminlar va minerallar tarkibida qo‘shimcha shakar bo‘lmagan hamda kletchatkalarning koni bo‘lgan quritilgan mevalarda mujassamdir. Jigar uchun, ayniqsa, quritilgan o‘rik, olxo‘ri va anjir juda ham foydali. Asosiysi, quritilgan mahsulotlar kaloriyaga boy ekanini yodda tutib, me’yorida iste’mol qilish kerak.

Mavzuga doir: 

• Insult, qandli diabet va gipotireoz: yuzdagi o‘zgarishlarga qarab aniqlash mumkin bo‘lgan kasalliklar
• Bolalarda quruq yo‘tal paydo bo‘lishining sabablari va davolash usullari
• Migrendan butunlay qutulish uchun nima qilish kerak?
• Benzin, tuproq, xlor isi: Nima uchun biz “g‘alati” hidlarni yaxshi ko‘ramiz?
• Ayollarda 30 yoshdan keyin kuzatiladigan muammo: Qanday qilib kasalliklarning oldini olish mumkin?
• Koronavirusga chalingan odamdan virus yuqmasligi uchun amal qilish kerak bo‘lgan 5 qoida