Soch oqarishining oldini olish mumkinmi? Samarali va sinalgan 10 ta layfxak

Soch oqarishi aslida irsiy jarayon hisoblanadi, ammo u tashqi ta’sirlar sababli yuzaga kelsa, buning oldini olish mumkin. Sochga oq tushishining “fiziologik” ko‘rinishi odatda 50-55 yoshga to‘g‘ri keladi. Bu sochni tabiiy rang bilan ta’minlaydigan melanin ishlab chiqaradigan melanotsit hujayralari funksiyasining zaiflashishi bilan bog‘liq.

Foto: Adobe Stock

Agar oq tolalarning paydo bo‘lishi erta(20-30 yoshda)boshlansa, nafaqat melanotsitlarning faolligi pasayishiga, balki ularning nobud bo‘lishiga olib keluvchi bir nechta omillar ham borligidan darak beradi:

• surunkali stress;
• surunkali infeksiya o‘choqlari;
• qalqonsimon bez;
• gipofiz bezi;
• oshqozon-ichak trakti kasalliklari;
• temir tanqisligi;
• autoimmun kasalliklar;
• qon aylanishining buzilishi;
• noto‘g‘ri ovqatlanish;
• vitaminlar yoki mikroelementlar yetishmasligi;
• noqulay muhit;
• yomon odatlar va boshqalar.

Oq sochlardan xalos bo‘lishning eng tez va samarali usuli — sochlarni bo‘yashdir, ammo afsuski, tez-tez foydalanish kerakligi tufayli mazkur protsedura sochlar go‘zalligi va holatiga salbiy ta’sir ko‘rsatishi mumkin. Tibbiyot fanlari nomzodi, kosmetolog, trixolog, dermatolog Yekaterina Yuriyevna Pashchenko sochga oq tushishining oldini olishning muqobil usullari haqida ma’lumot beradi.

Foto: Adobe Stock

Yuqori sifatli va to‘yimli ovqatlanish — oziq-ovqat bilan birga zarur mikroelementlar va ozuqa moddalarini yetarli darajada iste’mol qilish juda muhimdir. Ratsioningizga yetarli miqdorda protein, kalsiy, rux, mis, selen, B vitaminlari, beta-karotinni o‘z ichiga olgan oziq-ovqatlarni kiriting: dengiz o‘tlari, yong‘oqlar, funduq, bargli sabzavotlar, dukkaklilar, tuxum, tvorog, brokkoli, jigar, sitrus mevalari, olma, rezavorlar va boshqalar. Bundan tashqari, yetarli miqdorda omega kislotalarni o‘z ichiga olgan mahsulotlar — zaytun moyi, baliq yog‘i, baliqning ba’zi turlari ham foydalidir.

Ichimlik rejimi — suyuqlikning yetarli emasligi metabolik jarayonlarni va muhim oziq moddalarning so‘rilishini sekinlashtiradi. Shuning uchun kuniga kamida 1,5-2 litr toza suv ichishga odatlaning. O‘z vaqtida tibbiy ko‘rikdan o‘tish yashirin kasalliklarni aniqlashga va mutaxassis nazorati ostida kerakli davolanishga yordam beradi. Stressdan iloji boricha xalos bo‘lishga harakat qiling. Kerak bo‘lsa, psixolog yoki psixoterapevtdan yordam so‘rang.

Foto: Adobe Stock

Sog‘lom turmush tarziga rioya qiling — toza havoda tez-tez sayr qiling(kuniga 2-3 soat), yomon odatlardan(chekish, spirtli ichimliklar)voz keching.

Uyda mikrosirkulyatsiyani yaxshilaydigan terini parvarish qilish mashqlarini bajaring, masalan, kuniga 3-5 daqiqa davomida bosh terisini massaj qiling.

Kastor yog‘i, qalampir damlamasi va B vitaminlari asosida tayyorlangan o‘simlik niqoblaridan foydalaning — ular mikrosirkulyatsiyani rag‘batlantiradi, kastor yog‘i esa tabiiy pigment ishlab chiqarishga yordam beradi.

Melanin(sistein va tirozin kabi)sintezi uchun zarur bo‘lgan mikroelementlar va aminokislotalarni o‘z ichiga olgan B, C, A vitaminlariga asoslangan farmatsevtik preparatlarni sinab ko‘ring — barcha dorilar faqat shifokor ko‘rsatmasi bo‘yicha qo‘llaniladi.

Oltingugurt, biotin, inositolni o‘z ichiga olgan losyonlardan foydalaning — ularning barchasi melanin ishlab chiqarishni tiklaydi va oq sochlarni kamaytirishga yordam beradi.

Muhim mikroelementlar va vitaminlarni o‘z ichiga olgan bosh terisi uchun mezoterapiya kursiga qatnashing — bu ham sochlarning erta oqarib ketishining oldini olishning ajoyib usuli.

Mavzuga doir:

• Boshni yuvib, sochlarni quritmay ko‘chaga chiqish organizmga qanday xavf tug‘diradi?
• Organizmga oqsil yetishmayotganligining 6 alomati
• Sochlarni qanday yuvish kerak?Shifokordan ko‘pchilik bilmaydigan 12 maslahat
• Soch to‘kilishiga qarshi kurashda yordam beradigan mahsulotlar

Manba