“Dok-1 Maks” ishi: advokatlar yana jurnalistlarni suddan chiqarib yuborishni talab qildi. Sudya noto‘g‘ri axborotni jurnalistlar emas, norasmiy kanal adminlari tarqatayotganini bildirdi

Go‘zallik shaydolari soch bilan birga qoshlarning ham qalin va chiroyli bo‘lishini istaydi. Ammo tabiat hammani ham qalin qoshlar bilan siylamagan. Xo‘sh, bu holda qanday qilib qoshlarni o‘stirish mumkin. “Noviy ochag” nashri bir nechta tavsiyalarni sinab ko‘rishni maslahat beradi.

O‘sma

O‘sma — xantal oilasiga mansub o‘simlik bo‘lib, terini qizdiruvchi va to‘qimalarda qon oqimini oshiruvchi xususiyatga ega. Qon bilan soch va tuklarning o‘sishi va mustahkamlanishi uchun zarur bo‘lgan oziq moddalar ko‘proq yetib boradi. Sharqda bu vosita uzoq vaqtdan beri ma’lum. Arab mamlakatlarida qizlarning qoshlariga tug‘ilgandanoq o‘sma surtila boshlaydi, shunda qoshlar qalin va qorayib o‘sadi. O‘smaning tabiiy barglari tarkibida sochlarga quyuq rang beruvchi bo‘yoq mavjud. Chindan ham o‘sma qoshlarning o‘sishiga yordam beradi va bir oylik doimiy foydalanishdan keyin ularni qalinlashtiradi.

Kastor yog‘i

Agar tabiiy o‘smani topish unchalik oson bo‘lmasa, dorixonadan arzon vosita — kastor yog‘ini sinab ko‘ring. Uni qoshlarga ham, kipriklarga ham qo‘llash mumkin. Tabiiy yog‘ sochning tabiiy pigmentini kuchaytiradi, ya’ni qosh bo‘yog‘i kabi ishlaydi. Yagona salbiy tomoni shuki, kastor yog‘i juda suyuq va qoshlar va sochlardan oqib ketadi. Shuning uchun uni faqat kechasi eski tush cho‘tkasi yoki toza cho‘tka yordamida qo‘llagan ma’qul.

Qosh cho‘tkasi

Qalin qoshlarni orzu qilgan barchaga har kuni tish cho‘tkasi bilan massaj qilish tavsiya qilinadi. Oddiy usul: tish cho‘tkasini olamiz va qoshlarni biroz qizarib ketguncha balandligiga qarab tarashni boshlaymiz. Gap shundaki, giperemiya paytida qosh ildizi qiziydi, uyg‘onadi va qon bilan vitaminlarning bir qismini oladi.

Maxsus vositalar

Bugungi kunda kosmetika do‘konlari va dorixonalar kiprik o‘stiruvchi vositalar va qosh uchun bo‘yoqlar bilan to‘la. Ulardan ba’zilari vazifani juda yaxshi bajaradilar, qosh qalinligini oshiradi, to‘kilishni to‘xtatadi va hatto, uzun qiladi. Ammo juda muhim nyuans bor: deyarli barcha kosmetik mahsulotlarda gormonlar mavjud. Bu shuni anglatadiki, tuklar faqat vositani qo‘llash paytida o‘sadi, qo‘shimcha ta’sirni kutish befoyda. Ammo, favqulodda holatlar sharoitida bunday vositalar ajoyib yordamchidir.