Chekish, ko‘zoynakdan foydalanmaslik va yuz terisiga zarar yetkazadigan boshqa kundalik odatlar

Hammaga ma’lumki, mukammal yuz terisini saqlab qolish uchun quyoshdan himoya qiluvchi kremni ishlatish va husnbuzarlar paydo bo‘lishidan qochish kerak. Shuningdek, teriga zarar yetkazadigan xatolar mavjud, ammo bu haqda ko‘pchilik bilmaydi, deb yozadi The Harper’s Bazaar Kazakhstan.

Hovuzda suzish

Dermatologlarning fikriga ko‘ra, suvda bakteriyalar ko‘paymasligi uchun qo‘shiladigan xlor soch va terini tabiiy yog‘lardan mahrum qilishi mumkin. Shuning uchun hovuzda suzish vaqtini nazorat qilish va suzgandan keyin yuzni yaxshilab yuvish lozim.

Yon tomonga qarab uxlash ajinlar paydo bo‘lishiga olib keladi

Ajinlar sizni dahshatga solmasligi uchun har kecha yuqoriga qarab yoki tez-tez holatni o‘zgartirib yotish tavsiya etiladi.

Allergiyaga qarshi dorilar

Ba’zi allergiya preparatlari teri muammolariga olib kelishi mumkin. Shuning uchun dori tanlashdan oldin mutaxassis bilan maslahatlashishni unutmang.

Shirinlikka bo‘lgan ishtiyoq

Agar tez-tez shokolad va pechenye bilan choy ichsangiz, bu teri holatiga katta ta’sir ko‘rsatishi mumkin. Shakar organizmdagi gormonal o‘zgarishlarni keltirib chiqaradi, bu esa kollagen tolalarining shikastlanishiga olib keladi.

Chekish

Chekish nafaqat o‘pkaga, balki teriga ham zarar yetkazadi. Bu terini erta qarishi bilan tahdid qiladi.

Makiyajga lak sepish

Ushbu layfxak makiyajni uzoq vaqt ushlab turishi mumkin, ammo teriga zarar yetkazadi. Sochga sepiladigan lakda kimyoviy moddalar mavjud bo‘lib, ular terida qichishish va qizarish paydo bo‘lishiga olib keladi.

Makiyaj bilan uxlash

Kechqurun yuvilmagan makiyaj teri teshiklarni yopadi va yallig‘lanish xususiyatini keltirib chiqaradi.

Har kuni dush qabul qilish

Bu yerda aytib o‘tish joizki, uzoq va issiq dush terining qurishi va kuyishiga ham olib keladi.

Ko‘rish qobiliyati yomon bo‘lganda ham ko‘zoynak taqmaslik

Ko‘zoynak taqmasdan doimiy ko‘zni qisib qarash yuzda ajinlarning paydo bo‘lishiga olib keladi. Buning oldini olish uchun mos keladigan ko‘zoynak taqish tavsiya etiladi.

Samolyot oynasi yonidagi o‘rindiq

Balandlikda tushadigan quyosh nurlari Yerdagiga qaraganda ancha zararli. Shuning uchun parvozdan oldin SPF qo‘llashni unutmaslik lozim.