Teri va sochlar salomatligi uchun zaytun moyidan tayyorlanadigan 5 xil niqob

Teri va sochlar salomatligi uchun zaytun moyidan tayyorlanadigan 5 xil niqob



Yorqin teri, qalin kipriklar va silliq, yaltiroq sochlar uchun zaytun moyi eng yaxshi vosita hisoblanadi. Marie Claire nashri zaytun moyidan uy sharoitida tayyorlash mumkin bo‘lgan niqoblar retseptini taqdim etdi.

Foto: Marie Claire

Zaytun moyi tarkibida antioksidant, skvalen va oleyn kislota mavjud bo‘lib, ular terini namlaydi va atrof-muhit ta’siridan himoya qiladi. Zaytun moyi yog‘ kislotalari va A, D, E, K vitaminlariga boy bo‘lib, ular terini oziqlantiradi va yuz rangini yaxshilaydi. Qolaversa, zaytun moyi yallig‘lanishga qarshi xususiyatlarga ega va tirnash xususiyati ega terini tinchlantiradi.

Italiyalik zaytun moyi ishlab chiqaruvchi mutaxassislar uning xususiyatlaridan go‘zallik borasida qanday foydalanishni ma’lum qildi. Zaytun moyi qo‘shib, uy sharoitida niqob tayyorlash oson, buning uchun avval kerakli retsept tanlanadi.

Namlantiruvchi yuz niqobi

Kerakli mahsulotlar:
  • yangi avokado pyuresi — 2 osh qoshiq;
  • zaytun yog‘i — 1 osh qoshiq.

Foto: Marie Claire

Avokado pyuresi zaytun moyi bilan aralashtiriladi, aralashma tozalangan teriga qo‘llanadi. Niqob 15 daqiqaga qoldiriladi, keyin suv bilan yuvib tashlanadi. Niqob quruq va ta’sirchan teriga mos keladi, ayniqsa, undan kuz-qish davrida foydalanish juda ham foydali. Ushbu niqobni bir oy davomida haftada ikki marta qo‘llash tavsiya etiladi.

Qosh va kipriklarni qalinlashtiruvchi niqob

Kerakli mahsulotlar:

  • petrushka
  • zaytun yog‘i — 1 osh qoshiq.
Petrushka blenderda maydalanadi, zaytun moyi qo‘shib, aralashtiriladi. Niqob ko‘z qovoqlari va kipriklarga qo‘llanadi. 5-10 daqiqadan so‘ng suv bilan yuvib tashlanadi. Zaytun moyi soch follikulalarining chuqur oziqlantirishi tufayli ularni o‘stirshga yordam beradi. Ushbu niqobni haftada bir marta qo‘llash mumkin.

Sochlar jilokorligi uchun niqob

Kerakli mahsulotlar:

  • zaytun moyi — 3 osh qoshiq;
  • asal — 1 osh qoshiq;
  • tuxum sarig‘i — 1 dona.
Barcha mahsulotlar aralashtiriladi, niqob quruq sochlar ildiziga qo‘llanadi va tolalar ustiga yoyiladi. Boshga maxsus shapka kiyilib, ustidan sochiq o‘ralaldi. Niqob sochlarda bir soat ushlab turiladi, keyin shampun bilan yuviladi. Ikki oy davomida haftada bir marta ushbu protsedurani bajariladi.

Zaytun moyidan ter uchun skrab

Kerakli mahsulotlar:

  • zaytun moyi — 2 osh qoshiq;
  • shakar qamish — 4 osh qoshiq;
  • efir moyi — 2 tomchi
  • maydalangan qahva — 2 osh qoshiq.
Teng miqdorda shakar qamish zaytun moyi bilan aralashtiriladi, bir necha tomchi efir moyi va maydalangan qahva qo‘shiladi. Dush qabul qilishda skrabdan foydalanish mumkin: aralashma nam, toza tanaga surtiladi va massaj harakatlari bilan taxminan 10 daqiqa davomida ishqalanadi. So‘ngra teri iliq suv bilan yuviladi.

Oyoq uchun yog‘-niqob

Yotishdan oldin oyoq terisi zaytun moyi bilan yog‘lanadi va paxta paypoqlar kiyiladi. Bu bilan tun davomida oyoqlar nafaqat dam oladi, balki kerakli darajada oziqlanadi.


Manba
Ctrl
Enter
Xato topdAngizmi?
belgilab ushbu tugmalarni bosing Ctrl+Enter
Biz

Izoh qoldirish

Eng kamida 50 tadan oshiq belgi yozish kerak. Izohlar moderator tekshiruvidan o'tadi.
Hozircha izoh yo'q. Siz birinchi bo'lishingiz mumkin.