Yuvilgan kiyimlardan mog‘or hidi kelsa, nima qilish kerak?
Deyarli har bir uy bekasi kir yuvgandan keyin kiyimlardagi yoqimsiz hid muammosiga duch kelishi mumkin. Buning sababi nima va u bilan qanday kurashish kerakligini “Domashniy ochag” nashri ma’lum qildi.
Ba’zan kiyimlar yuvilgandan keyin kir mashinasi ochilsa, ulardan yoqimli hid kelmaydi. Nima uchun bunday bo‘ladi va ushbu muammoni barataraf etishning iloji bormi?
Buning bir nechta sabablari bo‘lishi mumkin:
- kirlar uzoq vaqt davomida mashinada qolishi;
- barabanning ortiqcha yuklanishi;
- kiyimlarning yaxshi yuvilmagani.
Agar yoqimsiz chiriyotgan hid doimo saqlanib qolsa, muammo kir yuvish mashinasida.
Mog‘or hidi
Kir yuvish mashinasining hidi uning eskirganligi sababli ham paydo bo‘lishi mumkin. Vaqt o‘tishi bilan uskuna devorlarida va changni tarqatish qismida mog‘or va shilimshiq qatlamlar to‘planadi. Agar mashinadan noto‘g‘ri foydalansangiz, bu jarayon tezlashadi: kiyimlarni doimo yuvgandan keyin mashinada qoldirish yoki juda ko‘p mato yumshatgichdan foydalanish kabilar.
Muammoni bartaraf etish uchun eng uzun yuvish vaqtini yuqori haroratda ishga tushirish kerak, mashinaga xlorli oqartirgich qo‘shiladi va suv harorati maksimal darajaga yetganida siklni bir soat to‘xtatib turish tavsiya etiladi. Keyin, chayish paytida, dozatorga kir yuvish kukuni emas, balki bir stakan suyultirilmagan sirka quyiladi. Sikl yakunlanadi. Ushbu oddiy protsedura mog‘ordan xalos bo‘lishga yordam beradi. Ammo, afsuski, bu tajriba ham uzoqqa bormaydi. Shuning uchun eng yaxshisi, muntazam ravishda kir yuvish mashinasini profilaktik tozalash oyda bir marta amalga oshirilishi kerak.
Aytgancha, hozirda maxsus mahsulotlar sotilmoqda — kir yuvish mashinalari uchun tozalagichlar, ular mog‘or, blyashka va mashinadagi yoqimsiz hidga qarshi kurashadi.
Manba
Yangi ma'lumotlardan xabardor bo'lib boring
