Shifokor pistaning 50 yoshdan oshgan odamlar uchun kutilmagan ta’sirini ma’lum qildi

Diyetolog kungaboqar urug‘larining foydali xususiyatlarini sanab o‘tdi.

Kungaboqar urug‘larining asosiy zarari uning yuqori kaloriyali tarkibidir. Albatta, juda ko‘p kaloriya va yog‘ iste’mol qilish inson sog‘lig‘iga salbiy ta’sir qiladi. Bunday mahsulotlar oshqozon va ichakning yallig‘lanishi, shuningdek, boshqa kasalliklarni kuchaytirishi mumkin.

Bundan tashqari, tozalanmagan urug‘larning qobig‘i tish va milkka zarar yetkazadi va unda  to‘g‘ridan to‘g‘ri oshqozonga tushadigan ko‘plab patogen bakteriyalar mavjud. Shuning uchun pistalarni avval yuvish va tozalash yaxshiroq. Qolaversa, yosh bolalarga pista umuman berilmasligi kerak, chunki uning nafas olish yo‘llariga tushishi xavfi yuqori.

Biroq, diyetolog, tibbiyot fanlari doktori Mixail Ginzburg kungaboqar urug‘lari juda ko‘p vitaminlarga boy bo‘lib, yurak, soch, tirnoq va teriga foydali ta’sir ko‘rsatishini ma’lum qildi.

“Kungaboqar urug‘lari magniyga nihoyatda boy bo‘lib, bu markaziy asab tizimiga tinchlantiruvchi ta’sir ko‘rsatadi. Tadqiqotlar shuni ko‘rsatadiki, 50 yoshdan keyin yetarli miqdorda magniy iste’mol qilish umr ko‘rish davomiyligini oshiradi. Pista yog‘ida qon tomirlarining ichki devorini shikastlanishdan himoya qiluvchi antioksidant ko‘p bo‘lgan E vitamini bor”, — deydi mutaxassis.

Shuningdek, pista selenning ko‘pligi tufayli haqiqiy go‘zallik mahsuloti bo‘lishi mumkinligini qo‘shimcha qildi.

“Selen nafaqat soch, teri, tirnoqlar uchun, balki yurak-qon tomir tizimi uchun ham juda muhim mineral ekani aniq bo‘ldi”, — deb xulosa qildi shifokor.

Kungaboqar urug‘lari ishtahani rag‘batlantiradi, shuning uchun ular kam vaznli odamlar uchun tavsiya etiladi. Vitaminlar soch va tirnoqlarni mustahkamlaydi va terini yaxshilaydi, bu parhez, homiladorlik yoki jarrohlikdan keyin ham foydali.

Kungaboqar yog‘i ko‘pincha massajda ishlatiladi, kosmetologiyada terini oziqlantirish uchun kremlar va skrablarni yaratish uchun ham foydalaniladi. Ammo kungaboqar pistasini me’yoridan ortiq iste’mol qilmaslik kerak. Uning ortiqchasi tananing immunitet tizimiga zarar yetkazishi mumkin.

Mavzuga doir:

• Uyqu va xotirani yaxshilaydi: bodomning ko‘pchilikka noma’lum foydali xususiyatlari
• Har kuni kefir ichish natijasida organizmda qanday o‘zgarish yuz beradi?
• Suli yormasini qanday mahsulotlar bilan iste’mol qilish mumkin?
• Kartoshkaning inson salomatligi uchun qanday foydalari bor?