Quritilgan mevalar organizm uchun chindan ham foydalimi?

Quritilgan mevalar organizm uchun chindan ham foydalimi?

O'qildi: 116


Parhezshunoslar qandolat mahsulotlarini quritilgan mevalar bilan almashtirishni maslahat beradi, ammo ular hatto tabiiy mahsulotlar ham organizmga zarar yetkazishi mumkinligini unutadi.

Foto: Marie Claire

U holda organizm uchun nima quritilgan mevalardan ko‘ra foydali bo‘lishi mumkin?Mahsulot tarkibida ovqat hazm qilish jarayoni va metabolizmni rag‘batlantiradigan ko‘p miqdorda kletchatka mavjud. Bundan tashqari, quritilgan olxo‘ri, o‘rik va uzum yangi mevasiga qaraganda ko‘proq vitamin va minerallarni o‘z ichiga oladi. Ammo ma’lum bo‘lishicha, barcha quritilgan mevalar birdek foydali emas.

Tarkibida shakar mavjud

Umuman olganda, quritilgan mevalarning eng katta tabiiy kamchiligi shundaki, quritilganda meva va rezavorlardagi shakar konsentratsiyasi sezilarli darajada oshadi. Ya’ni 100 gramm yangi o‘rikda 50 kkal, quritilgan o‘rikda esa 200-250 kkal mavjud. Bundan tashqari, allergiyaga moyil insonlar hushyorlikni yo‘qotmasligi kerak. Misol uchun, quritilgan sitrus mevalari kuchli allergik reaksiyaga olib kelishi mumkin. Ammo quritilgan mevalarning bunday xususiyati tashqi omillar kabi organizmning holatiga kuchli ta’sir qilmaydi.

Kimyoviy moddalar bilan quritilgan mevalar

Kimyoviy moddalar ko‘pincha quritilgan mevalarni saqlash muddatini uzaytirish va chiroyli ko‘rinishga erishish uchun ishlatiladi. To‘g‘ri, barcha quritilgan mevalar bunday xavf tug‘dirmaydi. U holda qanday qilib foydali mahsulotni zararlisidan ajratish va to‘g‘ri tanlov qilish kerak?

To‘g‘rirog‘i, xaridorni birinchi navbatda mahsulotning tashqi ko‘rinishi o‘ziga tortadi, shundan keyingina uning sifati haqida o‘ylanadi. Ammo, afsuski, yorqin rang va tashqi go‘zallik mahsulotning yaxshi holatining kafolati emas. Uzum va o‘rik oltingugurt dioksidi bilan ishlanadi, shundan so‘ng quritilgan o‘rik — yorqin to‘q sariq rang va uzumdan sarg‘ish mayizga aylanadi.

Yana bir shubhali belgi quritilgan olxo‘ri va o‘riklarning g‘alati ta’mi bo‘lishi mumkin. Olxo‘rini tabiiy usulda, quyoshda yoki soyada quritish juda qiyin, u tezda nordon bo‘lib qoladi. Jarayonni tezlashtirish uchun ular benzin yoki gaz pechlarida quritiladi. Ammo tayyor bo‘lgan quritilgan mevalar benzinning ta’mini olishi mumkin.

Shunday qilib, tajriba shuni ko‘rsatadiki, quritilgan mevalarni zararli qiladigan tabiat emas, balki, afsuski, ishlab chiqaruvchilardir. Shuning uchun sevimli mahsulotni sotib olayotganda, ko‘proq ehtiyot bo‘lish kerak va eng muhimi, asosiy qoidani yodda tutish lozim: mahsulotdagi go‘zallik kamroq bo‘lsa, u shunchalik foydali bo‘ladi.

Mavzuga doir:

  • Sarxil va foydali meva-sabzavot xarid qilishda asqatadigan 10 ta maslahat
  • Chernika, sarimsoq va onkologlar muntazam ravishda iste’mol qilishni tavsiya etadigan boshqa mahsulotlar
  • O‘rik iste’mol qilganda organizmda qanday o‘zgarish kuzatiladi?


Manba
Ctrl
Enter
Xato topdAngizmi?
belgilab ushbu tugmalarni bosing Ctrl+Enter
Biz

Izoh qoldirish

Eng kamida 50 tadan oshiq belgi yozish kerak. Izohlar moderator tekshiruvidan o'tadi.
Hozircha izoh yo'q. Siz birinchi bo'lishingiz mumkin.