Kuygandan keyingi og‘riqni yengillashtiruvchi 4 ta samarali usul

Issiq tova, dazmoldan ehtiyotsiz foydalanish, soch turmagi yoki ag‘darilgan issiq choy kuyishga olib kelishi mumkin. Teri jiddiy shikastlanganda darhol shifokorga murojaat qilish zarur. Wday nashri ushbu vaziyatda birinchi yordamni qanday ko‘rsatishni va kuygandan keyingi og‘riqni qanday yengillashtirish bo‘yicha tavsiyalar berib o‘tdi.

Kuyishdan keyin yoqimsiz og‘riqni yo‘qotishning bir necha oddiy usullari mavjud.

Sovuq kompress

Muz yoki muzlatkichda sovitilgan har qanday narsa, masalan, muzlatilgan rezavor yoki sabzavotlar terining shikastlangan joyiga qo‘llanilishi kerak. Bunday kompress nafaqat shishni yengillashtiradi, balki og‘riqni ham kuchsizlantirish ta’sirga ega. Shuningdek, kuyish joyini 10-15 daqiqa davomida sovuq suv oqimi ostida tutib turish mumkin. Suvning haroratini kuzatib borishga ishonch hosil qilish lozim, u juda sovuq bo‘lmasligi kerak, aks holda muzlab qolish xavfi mavjud.

Og‘riq qoldiruvchi vositalar

Analgin yoki aspirin har qanday uyda topilishi mumkin bo‘lgan dorilardir. Ular og‘riqni kamaytirishga yordam beradi va bir muddat kuchli og‘riqni qoldiradi. Har qanday dori-darmonlarni faqat jabrlanuvchida tarkibiy qismlarga allergik reaksiyalar bo‘lmasagina qo‘llash mumkin. Teri sovigandan so‘ng kuyish joyini pantenol, bepanten, sulfargin yoki solkoseril kabi maz bilan davolash kerak.

Agar qo‘lda dorixona mahsulotlari bo‘lmasa, xalqona usullaridan foydalanish mumkin. Uy sharoitida og‘riqni yengillashtirishda bir nechta oddiy, ammo samarali usullar mavjud.

Xom kartoshka

Misol uchun, xom kartoshka og‘riqni, shuningdek, yallig‘lanishni kamaytirishga yordam beradi. Buning uchun kartoshkani maydalash yoki mayda bo‘laklarga bo‘lish kerak, keyin aralashmani bint bilan o‘rash va shikastlangan teriga surtish kerak.

Aloe

Aloe tabiiy anestetik vazifasini ham bajaradi. O‘simlikning bargi o‘rtadan kesiladi va ich qismi kuygan joyga qo‘llaniladi. Yuqoridagi barcha usullar faqat yengil jarohatlar, birinchi va ikkinchi darajali kuyishlarda samarali bo‘ladi. Agar terida pufakchalar paydo bo‘lsa, maslahat uchun darhol mutaxassis bilan bog‘lanish kerak.

Kuchli, to‘xtovsiz og‘riq terining jiddiy shikastlanishining alomati bo‘lishi mumkin, bu nafaqat og‘riqni yengillashtirishni, balki qo‘shimcha davolovchi vositalarni ham talab qiladi.