Mashhur fransuz ayollarining go‘zallik sirlari: Yosh va nafis ko‘rinishga yordam beradigan odatlar
Fransiyalik ayollar ko‘pincha o‘z yoshidan yoshroq ko‘rinadi. Buning uchun plastik jarrohlik va boshqa operatsiyalarni o‘tkazish shart emas. Shunchaki ularning kundalik turmush tarzidagi ba’zi odatlarga amal qilib, natijaga erishish mumkin.
Karla Bruni
— Menda o‘z-o‘zini parvarish qilish tizimi bor. Albatta, genetikani inkor etib bo‘lmaydi, biroq mashhurlar orasida genetikasi tufayli chiroyli bo‘lgan ayollar soni tom ma’noda o‘sib bormoqda. Hayratlanarli, shunday emasmi?Men har ovqatlanishdan oldin bir stakan petrushka sharbatini ichaman. U juda ko‘p vitaminlar, tonik moddalarni o‘z ichiga oladi va bu yuzning terisiga katta ta’sir ko‘rsatadi. Keyin har kuni sariyog‘ yeyman. Ozgina miqdorda, aniqrog‘i 10 gramm, bu mahsulotni iste’mol qilish kerak: terini oziqlantiradi va namlantiradi.
Men umuman shirinlik yemayman, spirtli ichimlik ichmayman, chekmayman. Haftada bir kun faqat ko‘k choy ichaman va yashil olma istemol qilaman va boshqa hech narsa yemayman. Men ham oyiga bir marta mezoterapiyaga boraman. Kosmetolog inyeksiya uchun kokteyl tayyorlaydi, hech qanday krem faol moddalarni bevosita teri ostiga yuborishdan ko‘ra yaxshiroq ta’sir ko‘rsatmaydi.
Foto: “Noviy ochag”Katrin Denyov
— Terimning salomatligi uchun qilgan eng yaxshi ishim chekishni tashlash edi. Men bu odatimdan gipnoz yordamida qutulganman, chunki mening irodam bu ishni tashlashga yetarli emas edi. Biroq albatta, bu yetarli emas. Men har doim yuz terimni quyosh nurlaridan himoya qilaman: barcha kremlarim maksimal SPFni o‘z ichiga oladi. Muntazam ravishda vitaminlar va minerallarni qabul qilaman. Men ko‘z-qovoqlaridagi rangli tenlarni yoqtirmayman, lab bo‘yog‘ini deyarli ishlatmayman, uni faqat film yoki teledasturlarga chiqqanimda surtaman. Mening sirim bir jumlada: Qanchalik ulg‘aysangiz, parvarishga shuncha ko‘p, dekorga esa kamroq sarflaysiz.
Sofi Marso
— Men bo‘yanishni yoqtirmayman. Bu mening ishimda zarurat, biroq kundalik hayotda men faqat tonal kremdan yuzimdagi ayrim nuqsonlarni yashirishda foydalanaman. Go‘zal terining siri oddiy: ko‘proq uxlash, kamroq quyoshda toblanish kerak. Mening stilistim iltimosim qilganim uchun onamdan 80 yoshida qanday qilib go‘zal terini saqlab qolgani haqida so‘radi. Onam: “Yuzingizni sovun va suv bilan yuving. Butun yuzingizga zaytun moyini surting”, — dedi. Men bu ishni sinab ko‘rdim va hech qaysi kosmetolog meni bu usuldan voz kechishga ishontira olmaydi. Moy mo‘jiza yaratadi. Bundan tashqari, men go‘sht iste’mol qilmayman. Vaqti-vaqti bilan shokolad yeb turaman. Juda kam non iste’mol qilaman, banan, fast-fud, shirinliklar iste’mol qilmayman. Men kun davomida umuman ovqat yemayman. Kechki ovqatga odatda baliq va salat iste’mol qilaman. Ochko‘z emasman, men uchun ovqat — yoqilg‘i, u birinchi navbatda yuqori sifatli va mazali bo‘lishi kerak.
Odri Totu
Aktrisa butun umri davomida ozg‘inlikdan azob chekdi.
— Men quymoqlar, pishiriqlar va omletlarni yaxshi ko‘raman. Biroq ahvolim yaxshilanmayapti. Shuning uchun menda erta ajin tushish xavfi bor, chunki yog‘ qatlami qanchalik kichik bo‘lsa, teri tezroq cho‘kadi. Men plastik jarrohlik amaliyotiga murojaat qilmasdan ushbu ishni qilmoqchiman, shuning uchun men har doim quyoshdan himoyalovchi kremni surtaman va muntazam ravishda kosmetologimga yuzimni massaj qildirish uchun boraman, u mimik mushaklar va terini yaxshi holatda saqlaydigan qandaydir texnikaga ega.
Marion Kotiyyar
— Ukol va operatsiyalarga bo‘lgan ishtiyoq meni qo‘rqitmoqda. Bu muolajalar hamma ayollarni bir xil qilib qo‘yadi. Yo‘q, qariganim ma’qul, biroq o‘z o ‘zligimni saqlab qolaman. Sekinroq qarish uchun(to'g'risini aytsam, yoshlar dunyoni boshqaradi)terini parvarish muolajalariga rioya qilaman. Namlantiruvchi, oziqlantiruvchi, himoya qiluvchi va albatta, muntazam ravishda piling, niqoblar qilaman, sivorotka va losyonlardan foydalanaman, bir so‘z bilan aytganda, zamonaviy kosmetologiyaning barcha yutuqlariga murojaat qilaman. Men yaxshi narsalar haqida tez-tez o‘ylashga harakat qilaman: kayfiyatim qanchalik yaxshi bo‘lsa, shunchalik yaxshi ko‘rinaman.
Izabel Adjani
— Men dengizning kuchiga ishonaman. Muntazam ravishda niqoblar qilaman, talassoterapiya mashg‘ulotlari uchun kurortga boraman. Go‘zallik suvsiz yo‘qoladi. Men yuzimni muz kublari bilan yuvaman va kuniga kamida ikki litr oddiy suv ichaman. Oziq-ovqatga kelsak, tanangizni tinglashingiz kerak, u so‘ragan narsa uni ovqatlantirishdir. Asosiysi, ortiqcha ovqatlanmaslik, ya’ni oz-ozdan kamroq ovqatlanish kerak. Agar ortiqcha vaznga ega bo‘lsam, men parhez kunlarini tashkil qilaman, biroq men hayotimda hech qachon parhezda bo‘lmaganman.
Letitsiya Kasta
— Mening go‘zallik sirim ko‘pchilik ayollar uchun imkonsiz: kechasi kamida 10 soat uxlayman. Biroq bu muammosiz ishlaydigan yagona narsa. Shaxsiy parvarish haqida gap ketganda, turli xil yog‘larni yaxshi ko‘raman, ko‘proq lavandali yog‘dan foydalanaman. Ushbu mahsulot teri, tirnoqlar va sochlar uchun ideal hisoblanadi. Men ham doimo tabiiy niqoblar qilaman: mevalar, rezavorlar, sabzavotlar, donlardan qilingan niqoblardan foydalanaman. Butun dunyodagi retseptlar to‘playman va ularni sinab ko‘raman. To‘g‘ri, men bu retseptlarni bir necha marta aralashtirib yubordim. Niqoblarni yuzimga surtishga jur’at eta olmadim.
Vanessa Paradi
— Meni shlyapa va qalpoq kiyganim uchun maxsara qilishadi, biroq bu terimni quyoshdan himoya qilishga yordam bersa, men qo‘rqinchli ko‘rinishga ham tayyorman. Ikkinchi sir shundaki, men yuz mushaklaridan imkon qadar kamroq foydalanishga harakat qilaman. Men omma oldida biroz jilmayaman, kamdan-kam yig‘layman, qovog‘imni burishtirmaslikka harakat qilaman. Bu befarqlik niqobiga o‘xshaydi, teri cho‘zilmaydi, buzilmaydi va silliqlikni saqlaydi.
Emmanuel Bear
— Men tashqi ko‘rinishimga ta’sir qilgan bir ishni qildim. 27 yoshimda plastik jarrohlik amaliyotini boshladim va bu hayotimdagi eng katta xato. Hozirda hatto oddiy ukol haqida o‘ylash meni dahshatga soladi, shuning uchun men taqdirga ishonaman va kosmetolog maslahat bergan kremlarni surtaman. Qarishni nima to‘xtatishi mumkinligini bilmayman, biroq bu aniq jarrohlik yoki ukol emas.
Berenis Marlo
— Men umuman go‘zal bo‘lmasam, qanday qilib go‘zallik sirlariga ega bo‘lishim mumkin?Ha, xarizmatikman, bahslashmayman, esda qolarli. Bu juda yaxshi bo‘lishi mumkin, lekin chiroylimi?Yo‘q, dunyoda shunday mukammal chehralar borki, ular bilan bellasha olmayman. Biroq imij haqida gapiradigan bo‘lsak, rostini aytsam, mening barcha jozibadorligim makiyaj va soch turmagi, zamonaviy liboslar, deb o‘ylayman. Men professional stilistlar mehnatining mevasiman. Biroq hayotda meni ko‘chada ko‘rib qolsangiz tanimaysiz: men mutlaqo oddiyman.
Manba
Yangi ma'lumotlardan xabardor bo'lib boring
