Organizmning qayta tiklanishini tezlashtirish uchun O‘RVI va shamollashda qanday ovqatlanish kerak? Nutritsiolog maslahat beradi

Nutritsiolog Natalya Goncharova to‘g‘ri ovqatlanish bilan organizmga qanday yordam berish kerakligini ma’lum qildi. Ko‘pincha yuqumli kasalliklarda metabolik buzilishlar yuzaga keladi: metabolizm o‘z funksiyalarini bajarmaydi va nafaqat oshqozon-ichak trakti bilan bog‘liq muammolar, balki asoratlar — uyquchanlik, charchoq, siklning buzilishi, teri holatining yomonlashishi va boshqa noxush holatlar kuzatiladi. Buning uchun organizmning zaiflashuvi vaqtida ratsionni to‘g‘ri tuzish kerak, deb yozadi The Symbol.

Och qolish mumkin emas

Yuqumli kasallik vaqtida organizmni och qoldirish mumkin emas. Aks holda, hujayralar odatdagidek ishlashni to‘xtatadi. Organizm mavjud energiya zaxiralarini sarflashga o‘tadi. Bu esa kasallikdan keyingi tiklanishni kechiktiradi.

Murakkab uglevodlar

Murakkab uglevodlarni o‘z ichiga olgan oziq-ovqatlarni iste’mol qilish kerak: don, no‘xat, yasmiq, kartoshka, sabzi kabi. O‘tkir yuqumli kasalliklarda bazal metabolizm intensivligining oshishi tufayli energiyaga bo‘lgan ehtiyoj ortadi, bu birinchi navbatda uglevodlar bilan ta’minlanadi. Shu bilan birga, organizmdagi uglevod zaxiralari cheklangan, shuning uchun to‘qima oqsillari, skelet mushaklari oqsillari energiya almashinuvida faol ishtirok etadi, bu esa organizmni yanada zaiflashtiradi.

Qancha oqsil kerak?

Oqsil iste’molini kamaytirish kerak emas. Og‘ir intoksikatsiya, isitma, diareya sindromi va yuqumli-toksik jarayonning boshqa ko‘rinishlari bilan kechadigan bir qator yuqumli kasalliklarda oqsil yo‘qotilishi kuniga 150-200 grammga yetishi mumkin. Osil yetishmovchiligi ovqat hazm qilish fermentlari, antitolalar sintezining buzilishiga, qon zardobi bakteritsidi faolligining pasayishiga va endokrin tizimning charchashiga olib keladi.

Suv

Yuqumli kasallik vaqtida suyuqlik iste’mol qilishni ko‘paytirish kerak. Terlashning kuchayishi tufayli organizm suvsizlanishdan aziyat chekishi mumkin, shuning uchun iliq ichimliklar, shu jumladan oddiy suv organizmni tezroq tiklashga yordam beradi.

Vitaminlar yordami

Qoida tariqasida, yuqumli kasallik vaqtida poligipovitaminoz hodisalari qayd etiladi, bu oziq-ovqat orqali vitaminlar iste’mol qilishning pasayishi, organizm tomonidan ularga bo‘lgan ehtiyojning oshishi va ularning ichakdan so‘rilishining yomonlashishi bilan bog‘liq. O‘tkir infeksiyalarda ovqatlanish buzilishining eng muhim omili termogenez va metabolik stressning kuchayishi tufayli organizmda energiya harakatlarining ortishi hisoblanadi. Shuning uchun qo‘shimcha vitaminlar qabul qilish kerak. Misol uchun, C, D vitamini, ruxga boy mahsulotlar iste’mol qilishni oshirish tavsiya etiladi.

Yog‘lar kerakmi?

Ammo yuqumli kasalliklar sharoitida yog‘ miqdorini kamaytirish yaxshiroq. Lekin to‘yinmagan yog‘li kislotalar — o‘simlik moylari yoki omega qo‘shimchalarini qabul qilish mumkin.