Havoning ifloslanishi ayollarda vazn ortishiga sabab bo‘ladi

Yangi tadqiqot havo ifloslanishi uzoq vaqt davom etsa ayollarda, ayniqsa 40-50 yoshli ayollarda vazn ortishiga sabab bo‘lishini ko‘rsatdi, deb xabar berdi New York Post nashri.

Tadqiqot muallifi, Michigan universitetining epidemiologik tadqiqotchisi Sin Vangning so‘zlariga ko‘ra, havo sifatining yomonlashuvi, ayniqsa azot dioksidi va ozon kabi nozik zarrachalarning yuqori darajasida bo‘lgan havodan nafas olgan ayollarning tana vazni ortishi kuzatilgan.

Havo ifloslanishining ta’sir qilishi o‘rta yoshli ayollarda tanadagi yog‘ miqdori, tanadagi yog‘ miqdori nisbati va kam mushak massasi bilan bog‘liq. Ta’kidlanishicha, “tanadagi yog‘ miqdori 4,5 foizga yoki taxminan 2,6 funtga oshgan”. Ma’lumotlar 1654 nafar oq tanli, qora tanli, xitoylik va yaponiyalik ayollardan to‘plangan, ularning o‘rtacha yoshi 50 yosh bo‘lgan. Ayollar 2000-yildan 2008-yilgacha, ya’ni sakkiz yil davomida kuzatilgan.

Ularning yashash manzillari, shuningdek, uylari atrofidagi havoning nisbiy ifloslanishini o‘lchash ikki joy o‘rtasidagi aloqani izlash uchun ishlatilgan. Biroq, nashr ma’lumotlariga ko‘ra, sport va jismoniy faollik bu natijalarning yaxshilanishiga sabab bo‘lgan. U shuningdek, tadqiqot faqat o‘rta yoshli ayollarga qaratilganligi sababli, bu yosh yoki kattaroq ayollar va erkaklar uchun taalluqli emasligini aytgan.