Boshqachasiga ish bermaydi: faqat birgalikda ichish kerak bo‘lgan vitamin va minerallar

Boshqachasiga ish bermaydi: faqat birgalikda ichish kerak bo‘lgan vitamin va minerallar



Iste’mol qilinadigan mikroelementlardan maksimal darajada foyda olish uchun ularning qaysilarini birgalikda samara berishini bilish muhimdir. Marie Claire nashri salomatlik va go‘zallik uchun mos keladigan asosiy kombinatsiyalar haqida so‘z yuritdi.

Foto: Marie Claire

Vitamin va minerallar turli xil kimyoviy tabiatga ega moddalarning eng muhim guruhi bo‘lib, hujayra va to‘qimalarda ko‘pgina biokimyoviy jarayonlarning amalga oshishini ta’minlaydi. Ularning yetarli miqdorisiz inson organizmi to‘liq ishlay olmaydi va ma’lum alomatlar bilan vitamin va minerallarning ortiqcha yoki yetishmasligi haqida signal beradi.

Shu bilan birga, ayrim vitamin va minerallar faqat bir-biri bilan samarali ta’sir qiladi va bir vaqtning o‘zida qabul qilinganda, organizmga kompleks ijobiy ta’sir ko‘rsatadi. Bu umumiy salomatlik uchun maksimal foyda olish imkonini beradi.

A vitamini + B2, C, E vitaminlari, rux, yod va temir

A vitamini barcha hujayralar, ayniqsa qon hujayralari, teri va shilliq pardalarning bo‘linishi va farqlanishida muhim rol o‘ynaydi hamda qalqonsimon bez gormonlarini sintez qilish uchun asosiy vitaminlardan biridir. A vitamini yetishmovchiligida ko‘rish qobiliyati yomonlashadi, organizm tez-tez kasallikka chalinadi va mavsumiy infeksiyalardan xalos bo‘lish qiyinlashadi.

A vitamini terining normal ishlashini,(yog‘ bezlari va teri yuzasi pH)va keratin va kollagen ishlab chiqarishni nazorat qilishda muhim rol o‘ynaganligi sababli uning yetishmasligi teri qurishi, ko‘chishi va ajin tushishini tezlashtiradi. A vitamini oziq-ovqatdan to‘liq so‘rilishi va uning muhim vazifalarini bajarishi uchun vitamin C, E, rux, yod va temirga ega bo‘lish kerak.

  • Organizmdagi rux va yod yetishmovchiligi A vitaminining to‘qimalar uchun zarur bo‘lgan faol shaklga aylanishini buzadi;
  • Ratsionda E vitaminining yetishmasligi A vitamini gipovitaminozining rivojlanishiga yordam beradi, chunki E vitamini A vitaminini oksidlanishdan himoya qiladi;
  • C vitamini A vitaminining ta’sirini kuchaytiradi;
  • B2 vitamini A vitamini bilan birgalikda ko‘rish qobiliyatini tezroq tiklashga imkon beradi.
E vitamini + selen

Eng muhimi antioksidant, hujayra membranalari va DNKning erkin radikallar tomonidan zararlanishidan universal himoyasidir. Aslida, E vitamini organizmdagi erkin radikallarni tozalash vositasidir.

Shuningdek, u organizmning mudofaasini kuchaytirishga yordam beradi, oqsil almashinuvida ishtirok etadi, kollagen sintezini oshiradi va progesteron ishlab chiqarishni ko‘paytiradi. Mushaklarning ishini va rivojlanishini qo‘llab-quvvatlaydi, sport va jismoniy faoliyat davomida mushaklar kuchsizligi va charchoqning oldini oladi.

E vitaminining yaxshiroq so‘rilishiga selen, yod, rux, A, C vitaminlari yordam beradi. E vitaminining antioksidant ta’siri selen bilan o‘zaro ta’sirlashganda sezilarli darajada kuchayadi, bu hujayra va to‘qimalarni shikastlanish va yallig‘lanishdan himoya qilishga imkon beradi.

D vitamini + magniy, kalsiy, kremniy

Ushbu vitaminning rolini ortiqcha baholab bo‘lmaydi. D vitaminining asosiy vazifasi minerallar almashinuvini tartibga solish bo‘lib, u suyaklarning normal o‘sishi va rivojlanishi uchun asosiy omillardan biridir. Shuningdek, u 200 ga yaqin genlarning genetik ma’lumotlarini uzatishda ishtirok etadi va onkoprotektiv ta’sirga ega. D vitamini yetishmovchiligida immunitet tizimining to‘liq ishlashini va bulutli kunlarda yaxshi kayfiyatni kutib bo‘lmaydi.

D vitaminining barcha ta’sirini amalga oshirish va to‘liq so‘rilishi uchun vitamin E, A, K2, C, magniy, kalsiy va kremniy kerak. A vitamini buyraklardagi kalsiy birikmalarining oldini olish orqali D vitaminining mumkin bo‘lgan zaharlanishidan himoya qiladi.

B6 vitamini + magniy, selen, litiy, molibden, vitamin B2

Vitaminlardan B6 vitaminiga alohida e’tibor berish kerak. Serotonin neyrotransmitterining sintezida, triptofan va dofamin almashinuvining reaksiyalarida, uglevod va yog‘lar almashinuvida, gemoglobin sintezida ishtirok etadi. B6 vitaminining faol shakllari ayolning sog‘lom gormonal foni uchun zarur.

Buyrak kasalliklari, bosh terisi seboreyasi, terining qichishi, tomir tortishishi, qandli diabet va depressiyada B6 vitamini yetishmovchiligini to‘ldirishga alohida e’tibor qaratish lozim.

B6 vitaminining assimilyatsiyasi magniy, selen, litiy, molibden, B2 vitamini bilan yaxshilanadi. Ular birgalikda qabul qilinganda B6 vitaminini faollashtiradi. B6, B2 vitaminlari va magniyning jiddiy yetishmasligi eshitish qobiliyatini yo‘qolishiga olib keladi.

Magniy + B1, B6, D3 vitaminlari, kaliy

Magniy organizmdagi barcha to‘qimalarning eng muhim hujayra ichidagi elementidir. U inson asab tizimining barqaror ishlashi uchun zarur.Bu organizmga umumiy tinchlantiruvchi ta’sir ko‘rsatadi, qon tomirlarida spazm bilan kurashadi, qonda xolesterinni kamaytiradi va buyraklardagi tuzlarning cho‘kishini oldini oladi.

Magniy yetishmovchiligi o‘limning asosiy sabablari bo‘lgan insult, infarkt va trombozga olib keladigan patologik jarayonlarni shakllantiradi.

Magniy yetishmovchiligining belgilari:

  • asabiylashish;
  • tashvishlanish;
  • uyqusizlik;
  • ertalabdan charchoq;
  • shovqinga yuqori sezuvchanlik;
  • bosh aylanishi;
  • qon bosimining oshishi;
  • tomir tortishishi;
  • yurak urishining tezlashishi;
  • tirnoqlar mo‘rtlashuvi;
  • tez-tez bosh og‘rishi.


Manba
Ctrl
Enter
Xato topdAngizmi?
belgilab ushbu tugmalarni bosing Ctrl+Enter
Biz

Izoh qoldirish

Eng kamida 50 tadan oshiq belgi yozish kerak. Izohlar moderator tekshiruvidan o'tadi.
Кликните на изображение чтобы обновить код, если он неразборчив
Hozircha izoh yo'q. Siz birinchi bo'lishingiz mumkin.