Homiladorlik paytida va uni rejalashtirishda foliy kislotasini qay tartibda ichish kerak?

Homiladorlik paytida va uni rejalashtirishda foliy kislotasini qay tartibda ichish kerak?



Foliy kislota — B9 vitaminining eng qimmatli manbai bo‘lib, homila to‘qimalari va organlarining shakllanishi uchun zarurdir. Uning yetishmasligi qayg‘uli oqibatlarga olib kelishi mumkin. Homiladorlik paytida va uni rejalashtirishda foliy kislotasini qanday ichish kerakligini tushunish, homilaning rivojlanishida buzilishlar xavfini kamaytirish uchun muhimdir.

Foto: Adobe Stock

Nima uchun homiladorlikni rejalashtirishda va birinchi trimestrda foliy kislotasini ichish kerak?

B9 vitamini suvda eriydigan modda bo‘lib, yangi hujayralar shakllanishida faol ishtirok etadi. Ayniqsa, asab to‘qimalari va DNK sintezi uchun muhimdir. Bu vitamin hamma uchun zarur, ammo homilaning to‘g‘ri shakllanishi uchun alohida ahamiyatga ega.

Homiladorlikning birinchi kunlaridan boshlab asab naychasi shakllana boshlaydi. Ushbu organning to‘g‘ri rivojlanishi chaqaloqning kelajakda sog‘lom bo‘lishi kalitidir. Homiladorlikni rejalashtirishda B9 vitaminini qo‘shimcha iste’mol qilish talab qilinadi. Aniq dozani qon tekshiruvi asosida ginekolog belgilaydi. Odatda bu kuniga 1 dan 4 tabletkagacha bo‘ladi.

Shu bilan birga, quyidagi mahsulotlarga alohida e’tibor berishingiz kerak:

  • ismaloq;
  • petrushka;
  • avokado;
  • yong‘oqlar;
  • brokkoli;
  • yashil no‘xat;
  • kepakli un;
  • mol go‘shti;
  • bedana tuxumi;
  • sutli ichimliklar;
  • sitrus mevalar.
Homiladorlikning turli davrlarida foliy kislotasi tabletkalarini qancha ichish kerak?

Turli xil va to‘yimli ovqatlanish sog‘lom homilaning shakllanishida hal qiluvchi rol o‘ynaydi. Kelajakdagi ona uchun bu kam ahamiyatga ega emas, chunki bu davrda uning organizmi bor kuchi bilan ishlaydi. O‘zingizcha ish qilmang, ginekolog bilan maslahatlashing, shifokor optimal dozani tanlaydi.

Foliy kislotani qabul qilish odatda rejalashtirish vaqtida belgilanadi. B9 vitamini kerakli miqdorda so‘riladi, ortiqcha qismi esa tanaga zarar yetkazmasdan buyraklar orqali chiqariladi.

Trimestrga qarab B9 ni qabul qilish qoidalari:

  1. 12-haftagacha maksimal doza kuniga 800 mkg gacha belgilanadi. Bu 4 ta tabletkaga to‘g‘ri keladi. Foliy kislotasini oziq-ovqat bilan birlashtirish tavsiya etiladi.
  2. 12-haftadan keyin foliy kislotasiga bo‘lgan ehtiyoj kamayadi va dozasi kuniga 600-200 mkg gacha pasayadi.
  3. Abort tahdidi, anemiya, platsenta yetishmovchiligi va boshqa ba’zi muammolar sabab doza yana oshiriladi.
Yosh ona tug‘uruqdan keyin ham B9 vitaminini qabul qilishni davom ettirishi muhimdir. Bu stressdan omon qolgan tanani qo‘llab-quvvatlaydi, to‘qimalarning tez tiklanishiga yordam beradi va laktatsiyani faollashtiradi.


Manba
Ctrl
Enter
Xato topdAngizmi?
belgilab ushbu tugmalarni bosing Ctrl+Enter
Biz

Izoh qoldirish

Eng kamida 50 tadan oshiq belgi yozish kerak. Izohlar moderator tekshiruvidan o'tadi.
Hozircha izoh yo'q. Siz birinchi bo'lishingiz mumkin.