Hissiyotlar ta’sirida ko‘p yeb qo‘yish odatini qanday yo‘qotish mumkin?

Ko‘pchilik ovqatning qiyin paytlarda tasalli bera olishiga ishonadi. Bolaligimizda ham yiqilib tizzamiz yara bo‘lganida, biz ko‘z yoshimizning “dorisi” sifatida pechenye olganmiz.

Foto: “Zdorovie.com”

Kimlar uchundir bu usul katta bo‘lganda ham aktualligicha qolaveradi, lekin endi oqibatlarsiz kechmaydi: bir quti muzqaymoqni yeb tugatgan bo‘lsangiz ham, izdan chiqarib yuboruvchi muammolar hech qayerga yo‘qolmaydi.

Ko‘p yeyishga bizni 3 ta asosiy hissiyotlar majbur qiladi: ma’yuslik, vahima va g‘azablanish.

Ma’yuslikdan ko‘p yeyish

Bunday tasallidan keyin vijdon azobi boshlanadi. Yana ma’yuslikning yangi quyilishi boshlanadi, yana vijdon azobi qaytib keladi va shu tarzda takrorlanaveradi… Buni qanday to‘xtatish mumkin, yaxshisi boshlamagan ma’quldir?

1. Gapirib bering. Agar siz g‘amgin bo‘lsangiz, bunga biron-bir qayg‘uli voqea sabab bo‘lgan bo‘lishi mumkin. Qayg‘urishning o‘rniga, yaqinlaringizdan biriga qo‘ng‘iroq qiling va bor gapni aytib berig!
2. Sport bilan shug‘ullaning. Ilmiy tadqiqotlar ko‘ngil g‘ashligining eng yaxshi davosi ko‘proq harakatlanish ekanligini qayta-qayta isbotladi.
3. Yig‘lang.Ko‘z yoshlaringiz tamom bo‘lguncha yig‘lang. Shundan keyin siz o‘zingizni ancha yaxshiroq his qilasiz!

Stress ta’sirida ko‘p yeyish

Ko‘pchilik stress paytida ovqatdan yordam so‘raydi.

1. Uxlang. Uyg‘oq paytingizda ko‘p yeb qo‘ymaslik uchun bir sutkada kamida 8,5 soat uxlashga harakat qiling.
2. Dam olishga harakat qiling. Sovitgichning oldiga borishning o‘rniga biron-bir tinchlantiruvchi ijodiy mashg‘ulot bilan shug‘ullaning.

G‘azablanish natijasida ko‘p yeyish

Ba’zida biz o‘zimizni qiynayotgan narsalarni hal qilishning o‘rniga ovqat yeymiz. Biz g‘azabni ovqat bilan bosishga urinamiz, lekin bu umuman yordam bermaydi.

Agar achchig‘ingiz chiqayotgan bo‘lsa, ovqatni hech bo‘lmasa 10 daqiqaga chetga olib qo‘ying. O‘tiring, bir necha marta chuqur-chuqur nafas oling, tuyg‘ularingizni eshiting va ulardan qanday qutulishni o‘ylab ko‘ring.

Manba: “Zdorovie.com”

Manba