NASA koronavirusga qarshi kurashuvchi taqinchoqni taqdim etdi (foto)

NASA koronavirusni yuqtirmaydigan taqinchoq taqdimotini o‘tkazdi, deb yozadi Daily Mail.

Koronavirusga qarshi taqinchoq vibratsiya orqali uni taqqan inson yuziga teginayotganidan ogohlantiradi. Taqinchoqda maxsus datchik bo‘lib, u qo‘lning yuzga yaqinlashganini sezadi.

Bo‘yinga taqishga mo‘ljallangan taqinchoqda kichik motorcha o‘rnatilgan, u vibratsiyani yuzaga keltiradi. Shu tariqa ishlab chiqaruvchilar odamlarga yuziga teginmaslikka yordam bermoqchi.

COVID-19’ organizmga ko‘proq ko‘z, burun va og‘iz orqali yuqadi.

Mutaxassislarning ta’kidlashicha, taqinchoq koronavirusdan himoyalanishda yordamchi vosita bo‘lib, u tibbiy niqob hamda boshqa himoya vositalarining o‘rnini bosa olmaydi.

Qayd etilishicha, taqinchoq 3D-printerlar yordamida turli model va ranglarda yaratiladi.

Mavzuga doir: Koronavirusga qarshi kurashuvchi robot-dezinfektor yaratildi