Amerikalik shifokor koronavirusdan vafot etayotgan bemor ko‘ziga so‘nggi daqiqalarda nimalar ko‘rinishi haqidagi video bilan bo‘lishdi

Sent-Luisda joylashgan Vashington universitetining tibbiyot markazi shifokori Twitter sahifasiga, COVID-19 oqibatida vafot etayotgan bemorlar hayotining so‘nggi daqiqalarida nimani ko‘rishi muhrlangan video joyladi. 100 mingtadan ko‘p tomosha qilingan videoga minglab layk bosilgan.

Himoya vositalariga amal qilgan holda kiyingan Kennet Remi kishini xavotirga soladigan murojaatida koronavirusdan vafot etayotgan bemor o‘limidan avval faqatgina shifokorning yuzi va tibbiy anjomlarni ko‘rishini aytib o‘tgan.

https://twitter.com/DrKenRemy1/status/1330125769461424128

Uning aytishicha bunday bemor daqiqasiga 40 marta chastota bilan nafas oladi, qonning kislorodga to‘yinganlik darajasi 80 foizdan pastga tushib ketadi. Jamoat joylarida niqob taqib yurmaslik, ijtimoiy masofaga amal qilmaslik va qo‘llarni doimiy ravishda yuvmaslik oqibati shunday yakun topishi mumkinligi haqida gapirgan shifokor odamlarni uning so‘zlarini jiddiy qabul qilish va befarq bo‘lmaslikka chaqirgan.

“Men sizning qo‘rquvli nigohlaringizga qaragan oxirgi inson bo‘lishni xohlamayman”, — deb yozib qoldirgan Remi.