Tush cho‘tkasidan unumli foydalanish uchun 8 ta layfxak (foto)
Tush qo‘yish uchun mo‘ljallangan cho‘tka nafaqat kipriklarni uzaytirish, balki go‘zallik va tartib uchun ham ayni muddao, deb yozadi “Noviy ochag”.
Tugab qolgan tushni tashlab yuborishga shoshilmaslik zarur. Uning cho‘tkasi, albatta, ko‘p vaziyatlarda kerak bo‘ladi. Cho‘tkani yaxshilab yuvib, unga lak sepish orqali peshonadagi mayda bo‘ysunmas sochlarni tartibga keltirish mumkin.
Cho‘tkani tenga biroz botirib, qoshlarni tarash orqali ularga tabiiy ko‘rinish berish mumkin. Qolaversa, taralgan qoshlar tashqi ko‘rinishni yanada go‘zallashtiradi.
Toza cho‘tkaga balzam surtilib, yengil massaj orqali labda harakatlantiriladi. Natijada labdagi qurigan teri asta ko‘chib chiqadi. So‘ngra ularni salfetka yordamida artib tashlash lozim.
Toza cho‘tka yordamida kiprikdagi bo‘yoq qoldiqlarini xavfsiz tarzda tozalab olish mumkin.
Uxlashdan oldin kipriklarni oziqlantirish uchun toza cho‘tka yordamida kanakunjut yog‘ini surtish tavsiya etiladi. Natija bir haftada namoyon bo‘ladi.
Tirnoq parvarishida ham ushbu cho‘tka yordamga keladi. Moylangan teridan ko‘chib chiqadigan qoldiqlarni cho‘tka yordamida osongina olib tashlash mumkin.
Tozalash qiyin bo‘lgan joylardagi kirlarni ushbu cho‘tka yordamida bartaraf etish juda oson. Ammo keyin undan faqatgina tozalash ishlarida foydalanish tavsiya etiladi.
Rakovina yoki vanna tuynugida to‘planib qoladigan soch tolalarini tozalashda ham ushbu cho‘tka qo‘l keladi.
Sifatli hamda qimmatbaho tush cho‘tkalari ham shunga yarasha qulay bo‘ladi. Shuning uchun ularni tashlab yubormasdan, yaxshilab yuvib, boshqa tush bilan birgalikda foydalanish mumkin. Chunki tush qanday bo‘lmasin, uning kiprikka chiroyli surtilishi, albatta, cho‘tkaga bog‘liq.
Manba
Yangi ma'lumotlardan xabardor bo'lib boring
