Qaysi ziravorlar onkologik kasalliklarning oldini olishi ma’lum qilindi

Parhezshunos Tatyana Dikning ta’kidlashicha, ratsionda ayrim ziravorlarning bo‘lishi muhim. Ular onkologik kasalliklarning oldini olishga yordam beradi, deb yozadi “Korrespondent.net”.

Mutaxassisning aytishicha, dolchin, zarchava, tog‘jambil, mavrak va quritilgan tog‘rayhon saratonga qarshi ta’sir ko‘rsatadigan antioksidantlarga boy sanaladi. “Dolchin qondagi qand miqdorini pasaytiradi, yurak-qon tomir kasalliklarining kelib chiqish xavfini kamaytiradi, zarchava esa miyaning funksiyalarini yaxshilab, ozishga yordam beradi”, — deydi mutaxassis.

Shuningdek, parhezshunos tog‘jambilning shamollashda yaxshi samara berishini, mavrakning hazm jarayonini, tog‘rayhon esa oshqozon-ichak traktining faoliyatini yaxshilashini qo‘shimcha qilgan.

Mavzuga doir:

• Zarchavaning teri uchun foydali xususiyatlari
• “Saraton — hammasi tamom, degani emas”. Qo‘rqinchli kasallikni yenggan o‘zbekistonlik mashhurlar(foto)
• Dunyo bo‘ylab eng keng tarqalgan saratonning 5 turi va ularning simptomlari