Sut mahsulotlarini iste’mol qilish to‘xtatilsa, organizmda qanday o‘zgarish yuz beradi?

Aksariyat insonlarda sutning foydasidan ko‘ra uni hazm qilish bilan bog‘liq muammolar ko‘proqdir. Sut mahsulotlaridan voz kechish haqida bilib qo‘yish kerak bo‘lgan bir qancha ma’lumotlar bilan quyida tanishib chiqish mumkin.

Vazn kamayadi

Sut mahsulotlaridan voz kechish va vazn yo‘qotish o‘rtasidagi bog‘liqlik haqida qat’iy ilmiy dalillar mavjud bo‘lmasa-da, tadqiqotlar shuni ko‘rsatadiki, bu keskin vazn yo‘qotishiga yordam beradi. Ammo bunda nafaqat sutdan, balki hayvonlarning boshqa mahsulotlaridan ham voz kechish kerak bo‘ladi.

Vazn ortadi

Gap shundaki, sut oqsillari organizm tomonidan yomon hazm bo‘lganligi sababli to‘yinganlik hissi uzoqroq davom etadi. Ularni rad etish uglevodlarni haddan tashqari ko‘p iste’mol qilishga sabab bo‘ladi. Shunday qilib, agar sut mahsulotlari ratsiondan chiqarilsa, tuxum, baliq va yong‘oq kabi oqsil manbalarini ko‘proq iste’mol qilish tavsiya etiladi.

Yuzdagi muammolarni bartaraf etadi

Agar yuzda toshma yoki husnbuzarlar bo‘lsa, sutsiz diyetaga o‘tish muammoni bartaraf etishga yordam beradi. Sutda testosteronga o‘xshash biologik faol moddalar mavjud bo‘lib, ular teri tomonidan yog‘ ishlab chiqarishni rag‘batlantiradi. Natijada ko‘pincha teshiklar tiqilib qoladi, bu esa akne paydo bo‘lishiga olib keladi. Ikkinchi va uchinchi sabablar – sutdagi ortiqcha yog‘ va shakar. Bu teri muammolarining yana ikki aybdoridir. Sut, sariyog‘ va pishloqlarni unutib, chiroyli ko‘rinishga erishish mumkin.

Ovqat hazm qilish jarayoni yaxshilanadi

Ayrim odamlar sut mahsulotlariga nisbatan o‘ta sezgir bo‘lib, ularni iste’mol qilganidan so‘ng qorinda dam va boshqa noqulaylik paydo bo‘ladi. Biroq zaiflik, aksincha, sut mahsulotlarini iste’mol qilgandan keyin ich qotishi mavjud bo‘lsa, ulardan voz kechish mantiqan to‘g‘ri.

Qolaversa, probiyotiklar faqat yogurt va kefir shaklida iste’mol qilinsa, ichaklarda ularning yetishmasligi kuzatiladi. Sut kislotasi fermentatsiyasining boshqa mahsulotlari ham probiyotiklardir. Ratsionda ularning miqdorini oshirish tavsiya etiladi. Shuningdek, ko‘proq loviya va ismaloq iste’mol qilish kerak. Sut, smetana va pishloqni rad etish tanadagi kalsiyni kamaytiradi va bunda  ismaloq, brokkoli, loviya va boshqa dukkaklilar yordam beradi.

Mavzuga doir:

• Pishloq, shirinlik va kechasi iste’mol qilinganida uyqu sifatiga ta’sir ko‘rsatadigan boshqa mahsulotlar
• Organizmning qarish jarayonini sekinlashtiruvchi ovqatlanish bilan bog‘liq odatlar
• Chernika, sarimsoq va onkologlar muntazam ravishda iste’mol qilishni tavsiya etadigan boshqa mahsulotlar