Kartoshkaning inson salomatligi uchun qanday foydalari bor?

Kartoshka aksariyat taomlarning asosidir. Quyida sevimli sabzavotning foydali xususiyatlari haqida bilib olishingiz mumkin.

Kartoshka qachon paydo bo‘lgan?

Kartoshka makkajo‘xori bilan birga Janubiy Amerikadagi qadimgi qabilalar orasida asosiy iste’mol mahsulot bo‘lgan. Sayohatchilarning ta’kidlashicha, u yerlarda yovvoyi ildiz navlari hali ham mavjud.

Kartoshka Yevropaga XVI asrda olib kelingan, ammo mahalliy aholi uni ocharchilik yillarida ham ovqatga qo‘shmagan. Ishonch fransuz agronomi Antoine Auguste Parmentierning bayonotlaridan keyin paydo bo‘ldi. U kartoshkani salomatlik uchun xavfsiz mahsulot deb atadi.

Kartoshkaning foydali xususiyatlari: vitaminlar

Kartoshkada organizm uchun muhim bo‘lgan antioksidant – fitonutrientlar mavjud.

Vitamin B6 – “baxt gormonlari”(dofamin, serotonin, norepinefrin)ishlab chiqarishga hissa qo‘shadi, stress, yomon kayfiyat bilan kurashishga yordam beradi, miya faoliyatini yaxshilaydi.

C vitamini – antioksidant bo‘lib, organizmni erkin radikallardan xalos qiladi, immunitetni, turli kasalliklarga chidamliligini oshiradi.

Kaliy – asab tizimini, mushaklar faoliyatini qo‘llab-quvvatlaydi, qon bosimini me’yorlashtiradi.

Kalsiy – suyak to‘qimasini, tish emalini mustahkamlaydi.

Kletchatka – organizmga to‘qlik hissini beradi, ichakning uzluksiz ishlashini ta’minlaydi.

Xom kartoshka asosan xalq tabobatida qo‘llaniladi. Husnbuzar, kuyishdan keyingi jarohatlar uchun kompresslar sifatida ishlatiladi. Haftasiga 3-4 marta 20-25 daqiqa davomida qo‘llaniladi. Maydalangan kartoshka oshqozon yarasida yordam beradi, yallig‘lanishni yengillashtiradi.

Kartoshka sharbati ovqat hazm qilish muammolari uchun ichiladi, kuniga 3 marta 100 ml. Shuningdek, og‘iz bo‘shlig‘idagi periodontal kasallik yoki yaralarni davolash uchun yuvish qo‘llaniladi. Albatta, bundan oldin shifokor bilan maslahatlashish tavsiya qilinadi.

Xom sabzavot qon bosimini pasaytiradi, shuning uchun gipotonik bemorlar uchun mumkin emas. Miqdorni oshirib yuborish holatlarida ovqat hazm qilish muammolari yuzaga kelishi mumkin. Zaharlanish belgilariga quyidagilar kiradi: isitma, bosh og‘rig‘i, ko‘ngil aynishi, qayt qilish.

Mavzuga doir:

• Semirtiradi, xamirturushligi sog‘liqqa ziyon. Non haqida eng ko‘p tarqalgan yanglish fikrlar
• Sarimsoq qurib qolmasligi va mog‘orlamasligi uchun qanday saqlash kerak?
• Qaysi biri foydali: guruch yoki grechka?