Bir oy davomida tomoq og‘riganda: sabablari va og‘riqni bartaraf etish usullari

Bir oydan buyon tomoqdagi og‘riq, terlash va yutinish paytida achishish hissi— buni shamollashning belgisi deb o‘ylash mumkin. Biroq ba’zida shunday bo‘ladiki, tomoq og‘rig‘i uzoq davom etadi va boshqa alomatlar kuzatilmaydi. Bu holatda tomoq og‘rig‘ining sababi nima?Wday nashri quyida ushbu savolga javob berdi.

Foto: Wday

Agar bemorda ilgari shamollashning standart belgilari — yuqori isitma, tomoq og‘rig‘i, yo‘tal bir haftadan ko‘proq vaqt davomida yo‘qolmasa, kasallikning asoratlari haqida o‘ylab ko‘rishi kerak.

Tomoqdagi uzoq muddatli og‘riqning asosiy sababi quyidagi omillar tufayli immunitetning zaiflashishi hisoblanadi:

• noqulay ekologik sharoitlar;
• doimiy stress;
• organizmda virusli infeksiyaning mavjudligi;
• kvartirada yoki ofisda juda nam yoki quruq havo;
• angina yoki bodomsimon bezlar bilan bog‘liq muammolar;
• ichimlik suvining sifatsizligi.

Kasallikning yana bir necha hafta davom etishi uchun ko‘plab sabablar mavjud. Bundan tashqari, xonadagi quruq havoning o‘zi tomoq og‘rig‘iga olib kelishi mumkin, buning uchun hech qanday infeksiyalar bilan ham kasallanish shart emas. Shuning uchun vaqtni behuda sarflamaslik, o‘z vaqtida shifokorga tashrif buyurish juda muhimdir. U to‘g‘ri tashxis qo‘yadi va davolanish choralarini buyuradi.

Bir oy davomida tomoq og‘riganida nima qilish kerak?

Ko‘pincha kichik kasalliklarga e’tibor berilmaydi, ammo agar tomoq bir oy davomida og‘riyotgan bo‘lsa, shoshilinch ravishda uni davolash usullarini izlash kerak. Agar bu muammoga e’tibor berilmasa, uni surunkali kasallik holatiga keltirib qo‘yish mumkin. Ba’zi hollarda tomoqda shish paydo bo‘lishi mumkin, bu nafas olish va hatto yutinishni ham qiyinlashtiradi.

Agar birinchi haftada mustaqil davolanishlar natija bermasa, darhol LOR shifokoriga murojaat qilish lozim. U kuchliroq dori-darmonlar uchun retsept yozadi. Bemor faqat tomoqdagi og‘riqlar bilan namoyon bo‘ladigan shamollashdan xavotirda bo‘lsa, bunday hollarda organizmda infeksiyaning mavjudligini o‘z vaqtida tashxislash muhimdir.

Agar bir necha hafta davom etgan tomoq og‘rig‘idan xavotirda bo‘lsangiz, bu shifokorga tashrifni kechiktirmaslik va o‘z-o‘zini davolash bilan shug‘ullanmaslik uchun sababdir. Buning sabablarini aniqlash va imkon qadar tezroq davolanishni boshlash kerak.

Manba