Har kuni piyoda yurilsa inson organizmida qanday o‘zgarish kuzatiladi?

Inson organizmi jismonan faol bo‘lishga moslashgan. Lekin rivojlanish va shart-sharoitlar ko‘paygani sari inson dangasalashib boradi, buning oqibatida esa salomatligida bir qancha salbiy muammolar kuzatilishi mumkin. Sog‘lom bo‘lish deganda ko‘pincha sport zalga borib, trener ko‘rsatmasiga binoan mashq bajarish tushuniladi, aslida esa salomatlik uchun toza havoda bir soat ko‘chada sayr qilishdan yaxshisi yo‘​q. Gap aynan qanday foyda haqida ketmoqda?Quyida ushbu savolga javob beramiz.

Yurish va sayr qilish miya faoliyatini yaxshilaydi. Sayr davomida inson o‘rtacha tezlikda harakatlanadi, bunda organizm zo‘riqmaydi, aksincha bir maromda faol bo‘ladi. Toza va musaffo havoda qilingan sayrdan keyin, asab tizimi va miya faoliyatida ijobiy o‘​zgarish kuzatiladi.

Piyoda yurish alsgeymer, ateroskleroz singari kasalliklar va psixologik tushkunlikning oldini oladi. Shu sabab ham shifokorlar keksa yoshli insonlarga toza havoda sayr qilishni tavsiya qiladi.

Ko‘z nuri ravshanligi ortadi

Sayr qilish glaukoma va boshqa ko‘z kasalliklari rivojlanishining oldini olishga yordam beradi, ko‘rish qobiliyatida ijobiy o‘zgarishlar kuzatiladi.

Yurak faoliyati yaxshilanadi

Sayr qilish qon aylanishi yaxshilanishi, qon bosimi va xolesterinning me’yorda bo‘lishiga hissa qo‘​shadi. Bu esa yurakning bir maromda ishlashi, zo‘riqmasligiga olib keladi.

Nafas olish va o‘pka faoliyatining yaxshilanishi

Sayr davomida o‘pka hujayralari kislorod bilan to‘yinadi bu esa nafas olishda muammo bo‘lmasligi, immunitet mustahkamlanishi va turli virus kasalliklarini oldini oladi.

Bu hali hammasi emas

Inson o‘zini qanday his qilishi, depressiyaning yo‘qolishi, mushaklarning tonusda bo‘lishi, qomati chiroyli bo‘lishi va teri rangi tiniqlashishida piyoda yurishning samarasi beqiyos. Bularning bari hayotdan mamnunlik, xotirjamlik va ishga bo‘lgan layoqatning ortishiga olib keladi.

Mavzuga doir:  

• Organizmga D vitamini yetishmasligining 6 alomati
• Bahorda inson organizmiga yetishmaydigan 5 vitamin
• Ko‘rish qobiliyatini yaxshilovchi mahsulotlar
• Tabiatning o‘zi tabib: terini sog‘lom va yosh ko‘rsatuvchi 6 mahsulot
• Uydan ishlayotganda salomatlikka putur yetkazmaslik uchun 4 tavsiya