Salomatlik Salomatlik Zararsiz deb o‘ylamang: qo‘l va oyoq uvishishining sabablari

Zararsiz deb o‘ylamang: qo‘l va oyoq uvishishining sabablari

O'qildi: 497


Zararsiz deb o‘ylamang: qo‘l va oyoq uvishishining sabablari

Bu tuyg‘u ko‘pchilikka tanish va sabablari ko‘pincha zararsiz bo‘ladi. Ammo uvishish jiddiy kasallikning belgisi bo‘lishi ham mumkin. Simptomlarni o‘tkazib yubormaslik va nima qilish kerakligini bilish uchun “Liza.ru” nashri tayyorlagan ko‘rsatmalarni diqqat bilan o‘qing.

Noqulay holat

Foto: Getty Images

Qo‘l va oyoq uvishishining eng keng tarqalgan sababi — tana uzoq vaqt davomida noqulay holatda bo‘lganligidir. Agar kechasi qo‘lingizni boshingiz tagiga qo‘yib uxlasangiz, ertalab qo‘lni “sezmaysiz” — shuning uchun uxlayotganda qo‘llar uvishadi. Yana bir keng tarqalgan holat: agar oyog‘ingizni chalishtirib uzoq vaqt o‘tirsangiz, pozitsiyangizni o‘zgartirmaguningizcha oyoqni his qilmaysiz.

Qo‘l va oyoq holatini o‘zgartirganda sezgirlik tezda qaytsa, ikkala holat ham mutlaqo zararsizdir.

Nima qilish kerak: tana holatini nazorat qilishga harakat qiling, qon aylanishiga sun’iy to‘siqlar yaratmang. Boshqa holatda uxlashga o‘rganing.

Vaqti-vaqti bilan hech qanday sababsiz qo‘l yoki oyoqdagi sezuvchanlikni yo‘qolsa, pozitsiyani o‘zgartirganda ham yaxshilanmasa, nevrolog yoki osteopat ko‘rigiga borish uchun jiddiy sababdir.

Asab tolalarining siqilishi

Foto: Getty Images

Bu ko‘pincha bo‘yin yoki umurtqa pog‘onasida paydo bo‘ladi. Buning sababi bosh yoki dumg‘aza bilan qattiq yiqilish bo‘lishi mumkin. Bu umurtqa pog‘onasining siljishiga, mushaklar va yumshoq to‘qimalarning shikastlanishiga olib keladi. Qo‘l yoki oyoqlarning nerv magistrallari siqiladi. Qaysi nerv tolasi siqilishiga qarab barmoq, qo‘l yoki oyoq qismi uvishadi.

Mahalliy shikastlanish

Foto: Getty Images

Ba’zida shikastlanish ham sabab bo‘ladi. Ammo bosh suyagi yoki umurtqa pog‘onasi emas, bilaklar bo‘lishi mumkim. Bu ko‘pincha toyib ketganda sodir bo‘ladi. Mushaklar taranglashadi, asab tugunlari yana qisiladi. Shu sababli oyoq-qo‘l uvishadi.

Nima qilish kerak: Qon aylanishini yaxshilash uchun bo‘g‘inlarni normal holatiga qaytarish kerak.

Bilak kanali sindromi

Foto: Getty Images

Qo‘llar uvishishining yana bir keng tarqalgan sababi – bilak kanali sindromi. Noqulay holatda kompyuterda uzoq vaqt ishlash, planshet yoki noutbukdan foydalanganda qo‘lning noto‘g‘ri egilishi sabab bo‘lishi mumkin. Birinchi alomatlar:

  • og‘riq;
  • kaftdagi sanchiq;
  • qo‘lni, bosh va ko‘rsatkich barmog‘ni bukishda noqulaylik
Yuz, qo‘l yoki oyoqning to‘satdan harakatsizligi miya qon aylanishing o‘tkir buzilishi — insultdan darak berishi mumkin. Bunday holda sezuvchanlikning yo‘qolishiga boshqa alomatlar ham qo‘shiladi:
  • kuchli zaiflik, bosh og‘rig‘i, bosh aylanishi;
  • qon bosimi ortishi;
  • es-hushning o‘zida emasligi.
Nima qilish kerak: simptomlar o‘z-o‘zidan ketishini kutmang. Tez yordam chaqiring.

Foto: Getty Images

Nega oyoq barmoqlarim uvishadi?

Avvalo qayeringiz og‘riyotganiga aniqlik kiriting: barmoq uchlari, oyoq yoki tovon. Unga sabab:

  • jarohatlar, shu jumladan, kichik jarohatlar(qattiq poyabzal yoki noqulay taglik bo‘lsa)
  • bosh, umurtqa pog‘onasi shikastlanishi yoki tananing ushbu qismlarida patologiyalar mavjudligidan keyin asab tizimining ishlashidagi buzilishlar;
  • orqa miya shikastlanishi;
  • qon tomir kasalliklari yoki qon aylanishining buzilishi;
  • qo‘shma kasalliklar;
  • endokrin patologiyalar bo‘lishi mumkin.
Qo‘l barmoqlari uvishishi

Yana bir keng tarqalgan uvishish: nima qilish kerakligi tashqi ko‘rinishning sabablariga bog‘liq:

  • A va B vitaminlari yetishmasligi;
  • jigar yoki buyraklardagi buzilishlar;
  • stress yoki jarrohlik oqibatlari;
  • diafragma disfunksiyasi.
Bunday hollarda nima qilish kerak?

Agar og‘riq noqulay holatdan bo‘lmasa, shifokorga murojaat qiling. Ayniqsa, deyarli har kuni uvishsa. Faqatgina mutaxassis og‘riqning haqiqiy sababini aniqlashi, tashxis qo‘yishi va tegishli davolanishni buyurishi mumkin.

Mavzuga doir:

  • Bel nima uchun og‘riydi va bunday paytda nima qilish kerak?
  • Oyoqlar qanday sabablarga ko‘ra uvishadi?
  • Insult, miya saratoni va bosh og‘rig‘i bilan kechadigan boshqa kasalliklarni qanday aniqlasa bo‘ladi?
  • Osteoxondroz: bu qanday kasallik va uning oldini olish mumkinmi?


Manba
Ctrl
Enter
Xato topdAngizmi?
belgilab ushbu tugmalarni bosing Ctrl+Enter
Biz

Izoh qoldirish

Eng kamida 50 tadan oshiq belgi yozish kerak. Izohlar moderator tekshiruvidan o'tadi.
Hozircha izoh yo'q. Siz birinchi bo'lishingiz mumkin.